АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһүлүзма Хаменеи бу ҝүн Иранын ики мин нәфәрлик ҝәнҹ алимләр вә елми истедадлары илә ҝөрүшдә билдирибләр: Биз бахмайараг ки, бу йола гәдәм гойа биләрдик анҹаг, Исламын һөкмүнә әсасән нүвә силаһындан истифадәни гәти шәри һарам елан етдик, буна ҝөрә дә истифадәси гәти һарам олан бир силаһын истеһсалы вә сахланылмасына хәрҹләмәйимизә һеч бир сәбәб йохдур.
Һәзрәт Айәтуллаһүлүзма Хаменеи Ислам Ингилабынын һүнәринин чәтин мейданлара, о сырадан һәтта дүшмәнләрин алгышына сәбәб олан елми мейданлара дахил олмаг үчүн ҹәсарәт вермәк олдуғуну билдирәрәк дейибләр: Өлкәнин мүхтәлиф саһәләриндә елми потенсиалдан истифадә мүдафиә ҝүҹүнү, мүасир тибб, мүалиҹә вә хәстәликләри нәзарәтәалма имканларыны, техники-мүһәндислик, еләҹә дә биотехнолоҝийа, нанотехнолоҝийа әсасында давамлы мәһсулларын истеһсал едилмәси вә сүлһмәрамли нүвә технолоҝийасы габилиййәтләрини артырыб.
Ислам Ингилабынын Бөйүк Рәһбәри дүнйада елми сычрайыш дөврүндә Иранын елми инкишафынын давам етмәсини бөйүк зәрурәт адландырараг, истедадлы вә алим ҝәнҹләрин йүксәк шөвгү, алгышалайыг стимулу вә өзүнәинам һиссләринә тохунараг билдирибләр: Һәр бир алим ҝәнҹ Иранын бәдәнинин бир һиссәсидир вә алимләрин проблемләринин арадан галдырылмасы үчүн алимләр үзрә стратежи сәнәд ҹидди шәкилдә иҹра едилмәлидир.
Һәзрәт Айәтуллаһүлүзма Хаменеи билдирибләр: Гәрби Асийа, Ислам Дүнйасы, Мүгавимәт меһвәри ҹоғрафийасында алимләрин бир йерә топланмасы вә онларын арасында әлагә йарадылмасы һәтта бүтүн өлкәләр о сырадан Америка вә Авропада һаггсевәр алимләрин бир арайа ҝәтирилмәси "тәмиз вә шәрәфли елм" вә " дүзҝүн дүшүнҹә"-нин тәгдим олунмасы вә йайылмасына ҝәтириб чыхара биләр.
.........
340
