АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ҝенерал-майор Һосейн Сәлами бу ҝүн Теһранда әлавә едиб: Мүһарибә мейданы өлкә ҹоғрафийасындан үрәкләрин ҹоғрафийасына вә зеһни сәрһәдләрә доғру мөвге дәйишиклийи едибдир. Буна ҝөрә, зеһинләри даһа йахшы идарә едә биләҹәк һәр бир кәс бу дөйүшдә уғур газанаҹагдыр.
Ҝенерал-майор Сәлами билдириб ки, дүшмәнләр ҝәләҹәк дүнйаны формалашдырмаг ниййәтиндәдирләр. О, дейиб: Дүшмәнләр инсан һаглары, азадлыг, мүһарибә вә гануни мүдафиәни елә тәриф етмәйә чалышырлар ки, сионистләрин ҹинайәтләри гануни мүдафиә, йәмәнли вә фәләстинли ушагларын өлдүрүлмәләри исә милитаризм кими тәриф едилмиш олунсун.
Ислам Ингилабы Кешикчиләри Корпусунун баш команданы вурғулайыб ки, медиа мәзлумларын сәсинин әкс-сәдасынын иникасы ола биләр.
О, дейиб: Бу, мәһз медиа дөйүшүдүр вә Иранын сәрһәдашыры медиалары һәгигәти ҝөстәрмәклә дүшмән медиаларыны етибардан сала биләрләр.
Ҝенерал-майор Сәлами дейиб: Иранын сәрһәдашыры медиалары һәгигәти бәйан етдикләри үчүн галиб ҝәләҹәкләр. О, белә гейд едиб: Бөйүк ҝүҹләр наһагг олдуглары үчүн дағылыблар вә ҝери чәкилмәкдә вә мейданы тәрк етмәкдәдирләр.
.........
340
