АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын Атом Енержиси Тәшкилатынын сөзчүсү Беһруз Кәмалвәнди Теһранда нүвә һүгуглары үзрә тәлим курсунун ачылыш мәрасиминдә әлавә едиб: Иранын нүвә анлашмасы өһдәликләринин бир һиссәсини азалтмаг барәдәки гәрары Американын бу анлашмадан чыхмасына вә авропалыларын сәдагәтсизликләринә ҝөрә, һәмчинин һүгуг вә өһдәликләр арасында мүвазинәт йаратмаг мәгсәдилә гәбул едилибдир.
Кәмалвәнди әлавә едиб: Әҝәр авропалылар Иранын нүвә анлашмасынын там шәкилдә иҹрасына гайытмасыны истәйирләрсә, өз өһдәликләринә әмәл етмәлидирләр.
Иранын Атом Енержиси Тәшкилатынын сөзчүсү һәмчинин Иран илә Авропа Бирлийи арасындакы нүвә әмәкдашлығына ишарә едиб. О, дейиб: Бүтүн проблемләрә рәғмән вә нүвә анлашмасынын үчүнҹү әлавәси илә бағлы лайиһәләрин иҹрасы истигамәтиндә информасийа мүбадиләси вә һәмкарлығын йахшылашдырылмасы мәгсәдилә Теһран-Брүссел әмәкдашлығы давам едир.
Беш ҝүнлүк нүвә һүгугу курсу шәнбә ҝүнү Теһранда рәсмиләр, һүгуг вә нүвә һүгугу мүтәхәссисләринин иштиракы илә фәалиййәтә башлайыб.
..........
340
