АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Зәриф вә Ле-Дриан бу ҝөрүшдә нүвә анлашмасынын сон вәзиййәти, икитәрәфли әлагәләр, реҝионал вә бейнәлхалг мәсәләләр әтрафында фикир мүбадиләси апарыблар.
Теһран вә Парис сон һәфтәләрдә нүвә анлашмасынын хилас едилмәси истигамәтиндә данышыглара башлайыблар.
Франса, Алманийа вә Инҝилтәрә Американын 2018-ҹи ил майын 8-дә ганусуз шәкилдә нүвә анлашмасындан чыхмасындан сонра вәд вердиләр ки, Иранын игтисади марагларынын тәмин едилмәсилә бу анлашманы горуйаҹаглар. Бу өлкәләр АБШ-ын һәрәкәтләринә гаршы шифаһи вә сийаси мөвгеләринә бахмайараг, бу анлашманы горумаг үчүн вердикләри вәдләри йеринә йетирә билмәйибләр.
Иран Ислам Республикасы 8 май 2019-ҹу илдә, АБШ-ын биртәрәфли шәкилдә нүвә анлашмасындан чыхмасындан бир ил сонра, һәмчинин Американын бу һәрәкәтинин игтисади тәсирләрини компенсасийа етмәк истигамәтиндә Авропанын тәклиф етдийи һәлл йолларынын сәмәрәсизлийинин сүбут едилмәсиндән сонра билдирди ки, анлашманын 26 вә 36-ҹы бәндләринә әсасән, өз өһдәликләринин бир һиссәсини дайандырыр.
Иран индийә кими үч аддымда нүвә анлашмасы өһдәликләрини азалдыбдыр.
Иран өз нүвә анлашмасы өһдәликләрини азалтмасынын давамына тәкид едәрәк билдирибдир ки, бу аддымлар анлашма шәрикләринин өз өһдәликләринин йеринә йетирилмәси истигамәтиндә лазыми аддымлары атаҹаглары тәгдирдә, сүрәтлә ҝеридөнәсидир.
Нүвә анлашмасынын 26 вә 36-ҹы бәндләринә әсасән, гаршы тәрәфин өз өһдәликләринә садиг галмайаҹағы тәгдирдә, Иранын өз өһдәликләринин иҹрасыны там вә ҹүзи шәкилдә дайандырмаға һаггы вар.
.......
340
