АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәһәммәд Ҹавад Зәриф дүнән бу мәктубда Федерика Могеринийә билдирди ки, Американын нүвә анлашмасындан чыхмасындан ирәли ҝәлән нәтиҹәләрә, һәмин өлкәнин санксийаларынын йенидән иҹбар едилмәсинә, үч Авропа өлкәсинин бу анлашмадакы өһдәликләринин иҹрасында аҹиз галмасына вә мүштәрәк комиссийанын бәйанатларына әсасән, Иран Ислам Республикасы тәдгигат вә инкишаф саһәсиндә нүвә анлашмасындакы бүтүн өһдәликләрини дайандырыр.
Зәрифин мәктубунун сонунда вурғуланыб ки, Иран өз хошмәрамлылығыны сүбут етмәк үчүн нүвә анлашмасында галмыш тәрәфләрлә диалогу бүтүн сәвиййәләрдә давам етдирмәйә вә гаршы тәрәфлләрин бу анлашмадакы бүтүн өһдәликләринә әмәл едәҹәкләри һалда, бир даһа нүвә анлашмасынын там иҹрасына гайытмаға һазырдыр.
Бундан өнҹә Иран президенти мәһкәмә һакимиййәтинин ев саһиблийи илә кечирилән үч һакимиййәт гүввәси башчыларынын иҹласынын сонунда вурғуламышды ки, нүвә технолоҝийасынын инкишаф етдирилмәси вә арашдырма саһәсиндә өлкәнин еһтийаҹ дуйдуғу һәр бир мәсәлә Иранын Атом Енержиси Тәшкилаты тәрәфиндән тәмин едилмәлидир.
Иран Ислам Республикасы нүвә анлашмасындакы өһдәликләрини азалтмаға Америка һөкумәтинин 2018-ҹи ил майын 8-дә нүвә анлашмасындан чыхараг, Ирана гаршы бүтүн санксийалары ҝери гайтармасындан дүз бир ил сонра башлады.
Һазырда Иран үчүнҹү аддымыны атыб вә бу аддым хүсусән Авропа өлкәләри арасында реаксийалара сәбәб олубдур. Амма бу реаксийалар кечмишдәки кими тәкрар реаксийалардыр вә онларда һәмин өлкәләрин нүвә анлашмасы чәрчивәсиндәки өһдәликләринә ишарә едилмәйибдир.
Даһа авропалыларын онларын өз өһдәликләрини йеринә йетирмәмәләри сәбәбиндән Иранын атдығы аддымлар гаршысында тәкрар сөзләр сөйләмәкдән әл чәкмәләринин вә бу анлашма алтындакы өһдәликләринә, о сырадан өһдәлик ҝөтүрдүкләри он бир маддәйә әмәл етмәләринин вахты ҝәлиб чатыбдыр.
.......
340
