(ABNA24.com) Әббас Әрагчи дүнән ҝеҹә Иранын биринҹи телеканалынын саат 21 хәбәр бурахылышы илә сөһбәтдә бәзиләринин Иран вә Америка президентләринин йахын ҝәләҹәкдә ҝөрүшәҹәкләринә даир тәблиғат апармалары барәдә вурғулайыб ки, Иранын Амеика илә мүзакирәси йохдур.
Иран хариҹи ишләр назиринин сийаси мәсәләләр үзрә мүавини билдириб ки, һеч бир өлкә максимум тәзйиг алтында мүзакирәни гәбул етмәз. О, дейиб: Иранын мөвгейи айдындыр вә әҝәр Америка Ирана гаршы санксийалары ҝөтүрәрсә, 5+1 групу формасында мүзакирә имканы вар.
Иран илә Америка арасында мүзакирәнин һәйата кечирилмәйәҹәйини билдирән Әрагчи дейиб: Һәтта Франса Иранын хариҹи ишләр назирини йеддиләр групунун саммити илә бир заманда Франсайа дәвәт едәркән Иранын шәрти бу олду ки, Америка тәрәфи илә һеч бир ҝөрүш вә мүзакирә олмасын.
Иранын бу баш дипломаты сөйләйиб: Иранын авропалыларла мүзакирәләри кечирилмәкдәдир. Бу мүзакирәләрдә мәгсәд вә Иранын тәләбләри мәлумдур.
Иран Ислам Республикасынын президент админситрасийасынын башчысы Мәһмуд Ваези дүнән Теһранда журналистләр гаршысында Иран илә Франса арасындакы мүзакирәләрин ирәлиләйишинә ишарә едиб. Дейиб ки, мүзакирәнин деталлары барәдә сөһбәт етмәк үчүн ҝәлән һәфтә Ирандан Франсайа игтисади бир һейәт ҝедәҹәк.
......
340
