(ABNA24.com) Ҝенерал Асәф Гәфур дүнән ҝеҹә Һиндистан сәрһәд гүввәләринин Кәшмир нәзарәт хәтти бойунҹа Пакистан әразисинә гаршы мәрми һүҹумлары һәйата кечирмәләри вә бу заман бу өлкәнин үч мүлкисинин өлдүрүлмәси һагда мәлумат вериб. Билдириб ки, алты һинд һәрбчиси дә пакистанлы гүввәләрин ҹаваб атәшләриндә өлдүрүлүбдүр.
Пакистан хариҹи ишләр назирлийи дә Кәшмир нәзарәт хәттиндә һинд гүввәләрин атәш ачмаларына етираз олараг, дүнән бир даһа Һиндистанын Исламабаддакы мүвәггәти ишләр вәкилини чағыртдырмышды.
Һиндистан вә Пакистан сәрһәд гүввәләринин сон бир нечә ҝүндәки тоггушмаларында тәрәфләрдән бир нечә нәфәр өлдүрүлүб.
Һиндистан вә Пакистан сәрһәд гүввәләри даим Кәшмир нәзарәт хәттиндә бир-бириләринин мөвгеләрини һәдәфә алыр вә бир-бириләрини атәшкәси позмагда иттиһам едирләр.
Һиндистан вә Пакистан 2003-ҹү илдә Кәшмир нәзарәт хәттиндә атәшкәс разылашмасы имзалайыблар.
Кәшмир мәсәләси Һиндистан илә Пакистан арасында ән мүһүм ихтилафлы мәсәләрдән биридир. Һәр ики өлкә Кәшмир бөлҝәсинин мүлкиййәти иддиасындадыр.
.......
340
