(ABNA24.com) Иран Ислам Республикасы президенти Һәсән Руһани бу ҝүн Азәрбайҹан Республикасынын президенти Илһам Әлийевлә телефон әлагәсиндә гаршылыглы олараг, сәадәтли Гурбан байрамы мүнасибәтилә Азәрбайҹан Республикасынын һөкумәти вә халгыны тәбрик едәрәк, үмидварлыг едибдир ки, ики өлкә рәсмиләринин даһа чох сәйи вә ҹидди-ҹәһди илә Иран илә Азәрбайҹан Республикасы арасындакы әмәкдашлыг вә разылашмалар нәтиҹә верәҹәкдир.
Руһани Азәрбайҹан Республикасыны Ирана дост вә гардаш өлкә адландырыб. Әмин олдуғуну билдириб ки, бу достлуг вә гардашлыг ики өлкә халглары арасында даһа да ҝенишләнәҹәкдир.
Азәрбайҹан Республикасынын президенти Илһам Әлийев дә бу телефон сөһбәтиндә сәадәтли Гурбан байрамы мүнасибәтилә Иранын һөкумәти вә халгыны тәбрик едәрәк, дейиб: Иран вә Азәрбайҹан Республикасынын әлагә вә һәмкарлыглары ҝенишләнмәкдәдир вә бу, ики өлкә рәсмиләринин сәмими вә ардыҹыл әлагәләри, ҹидди-ҹәһдләри вә сәйләринин сәмәрәсидир.
Азәрбайҹан Республикасы президенти йахын ҝәләҹәкдә Иран президенти илә ҝөрүшәҹәйинә үмид етдийини билдириб. О, вурғулайыб: Шүбһә йохдур ки, ики өлкә вә ики халгын мүнасибәтләри кечмишдәкиндән даһа йахшы олараг, ҝенишләнәҹәкдир.
........
340
