Иран Ислам Республикасы президенти Теһранын стратежи сәбринин Американын нүвә анлашмасындан чыхмаг үзрә нәһс планларынын зәрәрсизләшмәсинә сәбәб олдуғуну билдириб.
Иран Ислам Республикасы президенти Һәсән Руһани бу ҝүн гурулушун рәсми шәхсләриндән бир групу вә Ислам өлкәләри сәфирләринин сәадәтли фитир байрамы мүнасибәтилә Ислам Ингилабынын Бөйүк Рәһбәри илә ҝөрүшүндә бу бөйүк байрам мүнасибәтилә Иран халгыны вә бүтүн ислами ҹәмиййәтләри тәбрик едәрәк, дейиб: Америкалылар нүвә анлашмасындан чыхмагла Иранын да бу анлашмадан чыхмасыны истәйирдиләр ки, бу йолла Теһрана гаршы бейнәлхалг санксийалар тәтби едә билмиш олсунлар.
Руһани Иранын стратежи сәбринин Иран Ислам Республикасынын дүнйанын сийаси вә иҹтимаи фикриндә галиб ҝәлмәсинә сәбәб олдуғуну дилә ҝәтирәрәк, әлавә едиб: Бу ҝүн бир ил стратежи сәбирдән сонра Иран әҝәр нүвә анлашмасындакы өһдәликләрини азалдарса, һеч кәс Иран Ислам Республикасыны мәзәммәт едә билмәз.
Иран Ислам Республикасы президенти вурғулайыб ки, дүшмән бу ҝүн Иран барәдәки данышыг тәрзини дәйишмәйә мәҹбур олубдур. О, дейиб: Әҝәр онлар өз мәсулиййәтләрини үзәрләринә ҝөтүрүб, вурдуглары хәсарәтләрин әвәзини чыхарларса, бәлкә проблемләрин һәлли үчүн диҝәр бир шәраити гаршыларында ҝөрмүш оларлар, йохса данышыг тәрзинин дәйишмәси илә бир иш ҝөрә билмәйәҹәкләр.
Руһани дүшмәнләрин Иран халгына гаршы фитнә вә планлары гаршысында шүҹаәтли тәмкинлилик вә мүгавимәт зәрурәтинә ишарә едәрәк, вурғулайыб: Шүбһәсиз, дүшмән һеч вахт Иран халгыны дизә чөкдүрә билмәз вә Иран Ислам Республикасынын гурулушу вә халгы бу саһәдә өз сәбрләри илә галиб ҝәләҹәкләр.
................
300
