Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ислам Ингилабынын Бөјүк Рәһбәри дүнән ахшам тәгрибән 2 мин дини елмләр мәдрәсәси тәләбәси, мүәллими вә мүдирләри илә ҝөрүшдә дини елмләр мәдрәсәләри вә дин алимләринин вәзифәсини Ислам Маарифини бәјан етмәк вә онун иҹтимаијјәтдә иҹрасына чалышмаг адландырыб вә дејибләр: Алимләр пејғәмбәрләрин вариси мәгамында төвһидин иҹра едилмәси вә гистин јеринә јетирилмәсинә чалышмалыдырлар.
Ислам Ингилабынын Бөјүк Рәһбәринин офисинин билдирдијинә ҝөрә, Һәзрәт Ајәтуллаһ Хаменеи бу ҝөрүшдә бу ҝүн инсанларын дин маарифинә олан еһтијаҹына һабелә, Ислам Дүнјасынын вә һәтта, Ислам Дүнјасындан кәнарда јерләшән дүнјанын Ислам Маарифинә олан еһтијаҹына ишарә едәрәк, дини елмләр мәдрәсәләринин үзәринә дүшән вәзифәнин кечмишдә олдуғундан даһа ағыр олдуғуну билдириб вә дејибләр: Өлкә дахилиндә бу ҝүн дини мәсәләләрә вә руһанилијә олан диггәт кечмиш вә Ислам Ингилабындан өнҹәки дөвр илә мүгајисә олунаҹаг дејил.
Ингилаб Рәһбәри һәмчинин дедиләр: Дүнјанын мүхтәлиф мәнтәгәләриндә инсанларын диггәтинин дин маарифинә јөнәлмәсинә даир јаранан тәсәввүр, јанлыш тәсәввүрдүр вә дин маарифинә олан мараг бундан даһа бөјүкдүр.
Һәзрәт Ајәтуллаһ Хаменеи дини елмләр мәдрәсәләрини Исламын тәлим вә онун иҹтимаијјәтдә дәринләшдирилмәси мәркәзләри адландырараг, дедиләр: Дин маарифини инсанлара танытдырмаг дини елмләр мәдрәсәләринин вәзифәләриндән биридир вә диҝәр вәзифәләриндән бири исә дин маарифини инсанларын һәјатына тәтбиг етмәкдир.
Ингилаб Рәһбәри Гуран-Кәримдә мүҹаһидәтлә бағлы ајәләрә вә илаһи пејғәмбәрләрин мүбаризәләринә ишарә едәрәк, дедиләр: Пејғәмбәрин вәзифәси садәҹә Ислам маарифини бәјан етмәк дејилди. Буна ҝөрә дә әзиз Ислам пејғәмбәри төвһидин иҹра едилмәси вә гистин јеринә јетирилмәси үчүн мүбаризә апарыр вә Исламын сөзүн әсл мәнасында там бир иҹтимаијјәтә чеврилмәсинә чалышр.
Һәзрәт Ајәтуллаһ Хаменеи әлавә едибләр: Алимләр дә пејғәмбәрләрин вариси мәгамында Исламын инсанларын һәјатына тәтбиг едилмәсинә сәј ҝөстәрмәлидирләр. Вә бу сәјин кулминасија нөгтәси һәгиги бир алим олараг Имам Хомејни(рә) тәрәфиндән һәјата кечирилди.
Диггәт: Хәбәрдән истифадә етдикдә мәнбәјә истинад лазымдыр
