Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын президенти уран вә ағыр су сатышынын 60 ҝүн мүддәтинә дајандырылмасындан хәбәр вериб.
Һәсән Руһани дејиб: Бу ҝүн мајын 8-и, Американын нүвә анлашмасындан ганунсуз шәкилдә чыхмасындан вә Бирләшмиш Милләтләр Тәшкилатынын Тәһлүкәсизлик Шурасынын 2231 сајлы гәтнамәсини тапдамасындан бир ил кечир. Нүвә анлашмасына үзв өлкәләрә елан етдик ки, даһа өз ағыр су вә зәнҝинләшдирилмиш маддәләримизи сатмырыг.
Руһани әлавә едиб: Нүвә анлашмасына үзв өлкәләрә елан етмишик ки, мүзакирә масасы архасына ҝәлмәләри үчүн 60 ҝүн фүрсәтләри вар вә әҝәр мүзакирә масасы архасында беш өлкә илә нәтиҹәјә чатсаг вә ики мүһүм мәнфәәт кими нефт вә банк саһәләриндә Иранын әсас мараглары тәмин едилсә, өнҹәки шәраитә ҝери дөнәҹәјик, јох әҝәр 60 ҝүнүн сонунда биз нәтиҹәјә чатмасаг, ики диҝәр аддымы атаҹағыг.
Иран президенти дејиб: Иранын нүвә анлашмасындакы разылығы бу олмушду ки, зәнҝинләшдирмәни 3,67 сәвијјәсиндә сахласын; бу аддымдан чәкинирик, јәни даһа бизим үчүн бир сәвијјә јохдур вә Әрак ағыр су реактору илә бағлы олараг, 60 ҝүндән сонра нүвә анлашмасындан өнҹәки програмы давам етдирмәк вә Әрак ағыр су реакторуну тәкмилләшдирмәк барәдә гәрар чыхараҹағыг.
Руһани бир даһа хәбәрдарлыг едиб: Нүвә анлашмасындакы беш өлкәјә мүраҹиәтдә ачыг шәкилдә демишик ки. әҝәр бизим буҝүнкү аддымымыздан бәһанә ахтарыб, Иранын ишини тәһлүкәсизлик шурасына гајтарарларса, олдугҹа гәтијјәтли бир аддымла үзләшмиш олаҹаглар.
Иран президенти дејиб: Иран һеч вахт мүһарибәјә башлајан тәрәф олмајыбдыр, амма һеч вахт да гулдурлуға тәслим олмур.
Диггәт: Хәбәрдән истифадә етдикдә мәнбәјә истинад лазымдыр
