Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстин торпагларыны ишғал едән ҹүһүд Исраил режиминин тәҹавүзүнә ҹаваб олараг ҺӘМАС мүгавимәт һәрәкатынын һәрби голу олан “Иззәддин әл-Гәссам” бригадалары сионист режимин һәрби машыныны ракетлә вурдуглары анын видео ҝөрүнтүләрини јајыблар.
ҺӘМАС мүгавимәт һәракатынын һәрби голу олан “Иззәдин әл-Гәссам” бригадалары вә Фәләстин Ислами Ҹиһад тәшкилатынын Сүрәјја Гүдс ганады билдириш јајымлајараг елан едибләр ки, сионист исраил режимин Гәззә Золағына давам етдирдији ҹинајәтләрә ҹаваб олараг Мүгавимәт бирликләринин мүштәрәк әмәлијјат отағы Гәзза Золағынын шималында ишғалчы сионист режим ордусуна мәхсус зиреһли һәрби автомобил танк әлејһинә идарә едилән ракет комплекси олан “Корнет”лә мәһв едиб.
Ејни заманда мај ајынын 3-дән етибарән бу ҝүнә кими Гәззә Золағындан јәһудиләр тәрәфиндән ишғал олунмуш әразиләрә 300-дән артыг ракет атылыб.
Хатырладаг ки, сон 3 ҝүн әрзиндә Исраил режиминин Гәзза золағына ендирдији авиазәрбәләр нәтиҹәсиндә азы бири азјашлы ушаг олмагла, азы 7 фәләстинли һәјатыны итириб, онларла фәләстинли исә јараланыб. Гәзза золағында чох сајда дағынтылар гејдә алыныб.
Диггәт: Хәбәрдән истифадә етдикдә мәнбәјә истинад лазымдыр
