Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын рабитә вә информасија технолоҝијалры назири Вјанада БМТ-нин космосла әлагәдар ишләр үзрә идарәсинин мүдири Симонта Ди Пипо илә ҝөрүшдә пејк әмәкдашлыгларынын ҝенишләндирилмәсинә даир мүзакирә апарыб.
Бу ҝөрүшдә ИИР-ын рабитә вә информасија технолоҝијалары назири Мәһәммәд Ҹавад Азәри Ҹәһроми билдириб: "Иран Ислам Республикасы космос саһәсиндә јахшы уғурлар әлдә едиб. Вә узагдан идарә едилән бир тәдгигат пејкинин һабелә, ики рабитә пејкинин јерин орбитинә ҝөндәрилмәси Иранын гаршыда дуран програмларындан сајылыр. Бүтүн бунлар Иранын космосдакы сүлһсевәр фәалијјәтләринин инкишаф етдирилмәсинә вә космик технолоҝијалардан Иран халгына даһа артыг хидмәт етмәк үчүн истифадә үчүн нәзәрдә тутулуб."
Ди Пипо да бу ҝөрүшдә космик фәалијјәтләр саһәсиндәки әмәкдашлыглардан сөз ачараг, Иранын тәклифини мүсбәт гаршылајыб.
Ҝөрүшүн сонунда БМТ-нин Вјанадакы офисиндә космик наилијјәтләрин нүмајиш етдирилдији сәрҝи мәканына бахыш кечирилиб. Бу сәрҝидә ИранИсламРеспубликасынын да бир пејки вә бир ракет системи нүмајиш етдирилир.
Диггәт: Хәбәрдән истифадә етдикдә мәнбәјә истинад лазымдыр
