Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һиҹри-гәмәри тарихинин 38-ҹи илиндә шабан ајынын 5-дә Аллаһ Тәаланын јер үзәриндә тәјин етдији 12 Хәлифәдән 4-ҹүсү, Зејнул Абидин вә Сејјидүл Саҹидин ләгәби илә мәһшур олна һәзрәт Әли ибни Һүсејн (әлејһимә сәлам) дүнјаја ҝөз ачыб.
Сәҹҹад вә Зејнул-Абидин ләгәбләри имамын даһа чох ибадәт һалында олмасы илә әлагәлидир.
Имам Сәҹҹад бүтүн инсани кејфијјәтләриндә камил иди. О һәзрәт өз дөврүндә ән тәгвалы, сәбирли вә еһтирамлы инсан иди. О һәзрәт јүксәк әхлаги сәҹијјәләрә әла нитгә малик иди. Имам Сәҹҹад(ә) инсанларла меһрибан давраныр јохсулларын әлиндән тутурду.
Һазырда бизим әлимизә чатан вә имамын кәламларыны вә мүнаҹатларыны еһтива едән әсас мәнбәләрдән Сәҹҹадијјә Сәһифәси, Һүгуг Рисаләси вә саир китаблардыр. Бу китабларда имамын мүнаҹатлары, дуалары, һәдисләри вә инсанларын һүгуглары барәдә кәламлары јер алыб…
Һәзрәт Зејнәлабидин(ә)-ын мөвлуду ҝүнүндә Ислами Иран нур вә шадлыг ичиндәдир...
Диггәт: Хәбәрдән истифадә етдикдә мәнбәјә истинад лазымдыр
