Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Аја Софја мәсҹиди мәсҹид-музеј кими фәалијјәт ҝөстәрә биләр.
Буну Түркијә Президенти Рәҹәб Тајјиб Әрдоған бәјан едиб.
Р.Т.Әрдоған билдириб ки, Истанбулун Аја Софја мәбәди мартын 31-дә кечириләҹәк бәләдијјә сечкиләриндән сонра мәсҹид-музеј кими фәалијјәт ҝөстәрә биләр.
Гејд едәк ки, бундан әввәл Түркијә Президенти Јени Зеландијада мәсҹидләрдә төрәдилмиш террор актларыны шәрһ едәркән Аја Софјанын мәсҹид кими чалышмајаҹағыны демишди.
Онун сөзләринә ҝөрә, бир сыра гүввәләр Түркијәни тәхрибата сүрүкләмәк истәјирләр: "Түркијә һакимијјәти нәји нә вахт етмәли олдуғуну јахшы билир".
Диггәт: Хәбәрдән истифадә етдикдә мәнбәјә истинад лазымдыр
