Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Австралијанын Квисленд штатынын сенатору Ферјзер Аннинг Јени Зеландијада мәсҹидә һүҹумун сәбәбләриндән данышыб.
Бу барәдә “НЗ Һералд” нәшри мәлумат дәрҹ едиб.
Парламентари КИВ-ә бәјанатында билдириб ки, зоракылығын истәнилән нөвүнә гаршыдыр вә һүҹум едән шәхсләри гәти шәкилдә гынајыр.
Бунунла белә о һесаб едир ки, баш верәнләр “һәм Австралија, һәм дә Јени Зеландијада мүсәлманларын чохалмасы илә бағлы ҹәмијјәтин горхуја дүшмәсинин ҝөстәриҹисидир”.
Онун сөзләринә ҝөрә, әсас сәбәбләр силаһла бағлы ганунда вә милләтчи бахышларда дејил.
“Бу ҝүн Јени Зеландијада баш верән гәтлиамын әсас сәбәби радикал мүсәлманлара миграсија етмәкдә иҹазә верән иммиграсија програмыдыр”, - сенатор јазыб.
Анниг һәмчинин гејд едиб ки, мүсәлманлар һадисәнин гурбанлары олсалар да, үмумиликдә онлар ҹинајәткардырлар, вә о, бүтүн баш верәнләрә ҝөрә бүтүн мәсулијјәти Исламын үзәринә гојуб.
“Бу фашизмин дини еквивалентидир”, - о һесаб едир.
Сенатор бәјанатыны сосиал шәбәкәләрдән силмәјә мәҹбур олуб, лакин онун јазысы тез бир заманда јајылыб.
Сосиал шәбәкәләрдә сијасәтчини “ијрәнҹ” ијрәнҹ адландырыблар, онун бәјанатыны исә зоракылыға чағырыш кими гијмәтләндирибләр.
Хатырладаг ки, Јени Зеландијада ики мәсҹидә силаһлы һүҹум ҹүмә ҝүнү, мартын 15-дә баш вериб. Террорчулар Крајсчерч шәһәри вә Линвуд јашајыш мәнтәгәсиндә ҝүнорта намазындан сонра мәсҹидә басгын едәрәк инсанлара атәш ачыблар. Нәтиҹәдә 49 динҹ сакин һәјатыны итириб.
Инсидентдән сонра полис өлкәдә бүтүн мәсҹидләри бағламағы хаһиш едиб.
Һүҹумдан сонра дөрд нәфәр – үч киши вә бир гадын сахланылыб.
Диггәт: Хәбәрдән истифадә етдикдә мәнбәјә истинад лазымдыр
