Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мадуронун гануни дөвләтинин мүгавимәти вә Венесуела дахилиндә чеврилишчиләрин уғурсуз галмалары илә паралел сурәтдә Гәрб дүшәрҝәси дә Вашингтонла сәс-сәсә вериб, 2018-ҹи ил мај сечкиләринә мәһәл гојмадан бу өлкәдә нөвбәдәнкәнар президент сечкиләринин кечирилмәсини истәјибдир.
Авропа Иттифагы бир бәјанатда Венесуелада кечирилмиш сечкиләрә ҝөз јумараг, бу өлкәдә нөвбәдәнкәнар президент сечкиләринин кечирилмәсини тәләб едиб.
Авропа Иттифагы бу бәјанатда һәмин бәјанатын тәбиринҹә десәк, Венесуелада азад, шәффаф вә “бејнәлхалг демократик мејарлар”а ујғун президент сечкиләринин кечирилмәсини истәјибдир.
Алманија, Франса, Испанија да Американы мүшајиәт едәрәк, мүдахилә маһијјәтли бәјанатда Венесуеланын сечилмиш гануни президенти Николас Мадуродан сәккиз ҝүн әрзиндә һәмин бәјанатда “азад сечкиләр” адландырылан нөвбәдәнкәнар президент сечкиләринин кечирилмәсинә һазырлыг ишләри ҝөрмәсини истәјибләр.
Авропа Бирлијинин хариҹи сијасәт үзрә мәсул шәхси Федерика Могерини Венесуела дөвләтинә гаршы һәдәләјиҹи ифадәләрдән истифадә едәрәк, Николас Мадуродан истәјибдир ки, гаршыдакы бир нечә ҝүн әрзиндә нөвбәдәнкәнар президент сечкиләринин кечирилмәсинә һазырлыг ишләри ҝөрсүн.
Белә бир һалда, Чин вә Русија БМТ Тәһлүкәсизлик Шурасынын иҹласында АБШ-ын сон Венесуела сечкиләринин рәдд олунмасы вә бу өлкә мүхалифләриндән олан Хуан Гуајдоја дәстәјин верилмәсинә даир гәтнамә лајиһәсини вето едибләр.
Венесуеланын хариҹи ишләр назири Хорхе Арреаса да Американын вә Авропа өлкәләринин Венесуеланын дахили ишләринә гарышмаларына реаксијада вурғулајыб: Бу ҝүн Бирләшмиш Штатлар Венесуелада чеврилишин архасында дејил, өнүндә дурур.
Авропа өлкәләринин Венесуеланын дахили ишләринә гарышмалары елә бир шәраитдәдир ки, бу өлкә сечкиләри 2018-ҹи илин мајында кечирилиб вә Мадуро даһа алты ил мүддәтинә Венесуеланын президенти сечилибдир.
Мадуро бу илин ҹари јанвар ајынын әввәлиндә јени президентлик дөврү үчүн анд ичиб.
Диггәт: Хәбәрдән истифадә етдикдә мәнбәјә истинад лазымдыр
