Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ҹәмадиул Әввәл ајынын 5-и Кәрбәла сәһнәсинин Гәһрәманы һәзрәт Ханым Зејнәби-Күбранын (сәламуллаһи әлејһа) мөвлудунун илдөнүмү ҝүнүдүр.
Һәзрәт Зејнәб (сәламуллаһи әлејһа) бүтүн заманларда бүтүн зүлмә гаршы чыхан вә азадлыгсевәр гадын вә кишиләр үчүн бир мејар вә нүмунәдир.
Һәр ҝүн Исламын әзиз Пејғәмбәри (сәлләллаһу әлејһи вә алиһ)-ин мәһәббәти вә мәрифәтиндән јени бир руһ алан, һәмчинин әзиз атасы, дүнја шиәләринин биринҹи имамы Һәзрәт Әли(ә)-ын елминдән вә бәјан тәрзиндән бәһрәләнән Һәзрәт Зејнәбин (сәламуллаһи әлејһа) руһу, мөһтәрәм анасы Һәзрәт Фатимеји-Зәһранын (сәламуллаһи әлејһа) меһрибанчылыгла долу ағушунда асајиш саһилинә чатды.
О һәзрәт Һәзрәт Имам Һусәјнин (әлејһи сәлам) шәһадәтиндән сонра өзүнү дүнја шиәләринин дөрдүнҹү имамы Һәзрәт Имам Сәҹҹадын (әлејһи сәлам) вүҹудуну горамаға борҹлу билирди. Бу үздән, ән чәтин шәраитләрдә ҹинајәткарлар вә залымлар гаршысында дајанды вә о һәзрәтлә чијин-чијинә, өз дағыдыҹы чыхышлары илә Ислам дүшмәнләрини рүсвај етди.
Биз АБНА олараг Исламын гәһрәман гадыны Һәзрәт Зејнәбин (сәламуллаһи әлејһа) мөвлудунун илдөнүмү ҝүнү мүнасибәти илә бүтүн мүсәлманлары, хүсусән шиәләри вә дүнјанын диҝәр азадлыгсевәрләрини тәбрик едир.
Диггәт: Хәбәрдән истифадә етдикдә мәнбәјә истинад лазымдыр
