ӘһлиБејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүм дүнја Мүсәлманларын Али Лидери Ајәтуллаһ Сејид Әли Хаменеи 31 декабр Теһранда Фәләстинин Ислами Ҹиһад һәрәкатынын баш катиби Зијад Ноһалә илә бирликдә ҝәлән һејәти гәбул едиб.
Ҝөрүшдә Фәләстин мәсәләсиндә дәгиг бир тәнлијин олдуғуну билдирән али дини рәһбәр, белә данышыб: “Бу тәнлијә әсасән, әҝәр мүгавимәт ҝөстәрсәниз галиб олаҹагсыныз, әкс тәгдирдә олмајаҹагсыныз. Мәним гәнаәтимә ҝөрә, бу ҝүнә гәдәр сионист режимә гаршы мүгавимәт ҝөстәрән Фәләстин халгы мүвәффәг олмушдур”.
Фәләстин халгы вә мүгавимәтинин әрәб ордуларынын мәғлуб едә билмәдији сионист режимин ордусуна галиб ҝәлиб, онлары диз чөкдүрдүкләрини билдирән Али дини рәһбәр Ајәтуллаһул-үзма Сејид Әли Хаменеи, Аллаһын изнилә даһа бөјүк гәләбәләрә Фәләстин халгы вә мүгавимәтинин имза атаҹағыны билдириб: “Сионист режим мүгавимәт груплары илә әввәлки ики мүһарибәдә 22 ҝүнлүк, 8 ҝүнлүк мүддәтләрдән сонра атәшкәс тәләб етмишди. Сонунҹу мүнагишәдә исә 48 саат сонра атәшкәс тәләб етмишди. Бу да гәсбчи сионист режимин диз чөкмәси демәкдир. Фәләстин халгынын сон илләрдәки гәләбәләринин көклү сәбәби мүгавимәтдир. Мүгавимәт давам етдији тәгдирдә, сионист режимин ҝериләмә вә тәнәззүл просеси дә давам едәҹәк”.
Али дини рәһбәр империализм ҹәбһәсинин Ирана гаршы ҝүҹлү тәзјигинә вурғу едәрәк, белә дејиб: “Бу тәзјигләр әсла бизи Фәләстинә дәстәк мөвзусунда дини, илаһи вә гәти вәзифәмиздән сахлаја билмәз”.
Диггәт: Хәбәрдән истифадә етдикдә мәнбәјә истинад лазымдыр
