ӘһлиБејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Гәззада баш тутмуш 40-ҹы Бөјүк Гајыдыш јүрүшүндә ишғалчы Исраил режим гүввәләри динҹ нүмајишчиләрә гаршы одлу силаһ вә ҝөзјашардыҹы газ бомбалары истифадә едиб. Нәтиҹәдә азы бир нәфәр һәлак олуб, 18 нәфәр јараланыб.
Бу барәдә Фәләстин Инсан Һаглары Мәркәзинин јајдығы һесабатда дејилир.
Билдирилиб ки, һәлак олан Гәзза сакини Бөјүк Гајыдыш јүрүшләри заманы Исраил тәрәфиндән өлдүрүлмүш сајҹа сәккизинҹи физики гүсурлу шәхсдир. Хан-Јунисдән олан 26 јашлы Кәрәм Мәһәммәд Нөман Фәјјаз баш наһијәсиндән ҝүллә јарасы алыб. О, Гәззадакы Авропа һоспиталына чатдырылса да, өлдүјү мәлум олуб.
Бундан башга, јараланмыш 18 мүлки шәхсдән дөрдү ушаг, икиси исә тибб ишчиләридир. Јүзләрлә инсан ҝөзјашардыҹы газларын тәсириндән тәнҝнәфәслијә вә гыҹолмалара мәруз галыблар.
Диггәт: Хәбәрдән истифадә етдикдә мәнбәјә истинад лазымдыр
