Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијәдә фәалијјәт ҝөстәрән әсассыз ермәни иддиалары илә мүбаризә дәрнәји АСИМДЕР-ин башганы Ҝөксел Ҝүлбеј Анкаранын Ермәнистан ТЫР-лары үчүн гапылары ачдығыны билдириб.
Түркијә КИВ-ләри хәбәр верир ки, Ҝөксүл Ҝүлбеј илдә 400 Ермәнистан ТЫР-ларына Трабзон лиманы үзәриндән јүкдашыма иҹазәси верилдијини ачыглајыб.
Онун билдирдијинә ҝөрә, һәмин иҹазәни Түркијәнин Тифлисдәки сәфирлији вериб. Ермәнистан ТЫР-лары индијә гәдәр јүкләри дашымаг үчүн Ҝүрҹүстанын Поти лиманындан истифадә едирди. Лакин Ҝүлбеј дејир ки, Трабзон лиманындан истифадә етмәк ермәни ТЫР сүрүҹүләринә 600 доллар даһа уҹуз баша ҝәлир.
Онун билдирдијинә ҝөрә 2008-ҹи илин август мүһарибәсиндән сонра Ҝүрҹүстан-Түркијә сәрһәдиндән кечән Ермәнистан ТЫР-лары үчүн квота тәтбиг едилмишди. Лакин сон вахтлар Ермәнистанын јүкдашыма ширкәтләри Поти лиманына нисбәтән 600 доллар уҹуз олдуғуна ҝөрә Трабзон лиманындан истифадә етмәјә башлајыблар.
Түркијә ганунларына ҝөрә Ермәнистан шоферләри бу өлкәјә турист кими дахил ола билмәз вә анҹаг иш иҹазәси алмагла ҝирә биләр. Бу проблеми һәлл етмәк үчүн әввәлҹә Украјна тәрәфи васитәчилик едиб. Сонра исә Ҝүрҹүстандакы Түркијә сәфирлији ермәни ТЫР сүрүҹүләринә чалышма иҹазәсини тәсдиг едән сәнәдләр верир.
"Ермәнистанла Түркијә арасында һәр ҝүн Јереван-Истанбул рејси илә бир дәфә тәјјарә учур. Ҝүрҹүстан вә Иран үзәриндән өлкәмизә минләрлә Ермәнистан вәтәндашы әл-голуну саллајараг дахил олур, 70 миндән чох ермәни Түркијәдә гејри-легал ишләмәкдәдир. Автобус фирмалары һәр ҝүн ики өлкә арасында туризм сәфәрләри тәшкил едир.
Инди исә Ҝүрҹүстандакы сәфирлијимиз тәрәфиндән дипломатик ембарго дәлиниб. АСИМДЕР олараг бүтүн сәлаһијјәтлиләрә суал едирик: бу неҹә ембаргодур?"-Ҝөксел Ҝүлбеј билдириб.
Түркијәнин Трабзон лиманы үзәриндән Ермәнистана сәрһәдләрини ачдығны ермәни гајнаглары да тәсдигләјир. Үстәлик мәлум олур ки, Ермәнистан ТЫР-ларынын Трабзон лиманындан истифадәсинә иҹазә верилмәси һәлә 2012-ҹи илдән башлајыб.
Ермәнистан ТЫР-лары Ермәнистанын Саһибкарлар вә Иш Адамлары Бирлијинин нүмајәндәси Артур Казарјан 2012-ҹи илин ијулунда "Новости Армениа" аҝентлијинә ачыгламасында дејиб ки, Түркијә илдә 200 Ермәнистан ТЫР автомобилинә Трабзон лиманындан дүнјаја ачылма иҹазәси вериб.
"Түркијәнин Трабзон лиманынын ермәни јүкдашыјанлары үчүн ачылмасына өтән ил ҹәһд етдик. О заман ҹидди манеә илә гаршылашдыг. Мәлум олду ки, ермәни ТЫР шоферләри Түркијәјә бу өлкәнин ганунларына әсасән турист кими ҝирә билмәз, анҹаг иш иҹазәси алмагла ҝирә биләр.
Ермәнистанда исә мәлум олдуғу кими Түркијәнин сәфирлији вә консуллуғу јохдур. Нәтиҹәдә бу мәсәләдә Украјна бизә јардымчы олду, васитәчилик етди.
Илин сонунда түрк тәрәфи илә апарылан мүзакирәләр нәтиҹәсиндә ермәни ТЫР сүрүҹүләринә лазым олан иш визсынын Ҝүрҹүстандакы Түркијә сәфирлији тәрәфиндән верилмәси барәдә анлашма әлдә едилди. Беләликлә дә 2012-ҹи илдә 200 ермәни ТЫР автомобили Түркијәјә дахил олмаг имканы газанды. Бу рәгәм 400-600 ТЫР гәдәр арта биләр"-Казарјан дејиб.
А.Казарјан дејиб ки, Трабзон лиманындан истифадә Поти лиманы илә мүгајисәдә 600 доллар даһа уҹуздур.
Диггәт: Хәбәрдән истифадә етдикдә мәнбәјә истинад лазымдыр
