Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстин торпагларыны ишғал едәрәк орада јарадылан гондарма Исраил режиминин мүдафиә назири Авигдор Либерман ҺӘМАС һәрәкатына атәшкәси гәбул етдирмәк үчүн Гәззаја ән ағыр һәрби тәҹавүзү һәјата кечирмәли олдуғуну билдириб.
Әлләри минләрлә фәләстинли ушагларын ганына батмыш гатил Либерман гондарм асионист режиминин Маарив гәзетинин кечирдији топлантыда етдији чыхышында, ҺӘМАС-ла бир разылашманын мүмкүн олмадығыны дејиб.
Исраил режиминин ҺӘМАС-ын атәшкәс шәртләрини гәбул етмәдијини гејд едән Либерман, белә данышыб: “Чүнки бу шәртләр Гәзза сәрһәдинә гојулан бүтүн мәһдудијјәтләрин галдырылмасыны әһатә едир”.
Бу шәртләрдә һеч бир разылашманын олмајаҹағыны сөјләјән Либерман, Гәззаја гаршы јени бир һүҹумун месажыны вериб: “ҺӘМАС анҹаг ағыр һүҹумдан сонра атәшкәси гәбул едәҹәк”.
ҺӘМАС-а гаршы тәһдидли ачыгламаларыны давам етдирән Либерман, белә дејиб: “ҺӘМАС-а мүгавиләни гәбул етдирмәк үчүн ән ағыр һәрби һүҹум һәјата кечирилмәлидир. Бу ҝениш бир гаршыдурма мәнасына ҝәлсә дә, даһа ағыр бир зәрбә вурмалыјыг”.
Диггәт: Хәбәрдән истифадә етдикдә мәнбәјә истинад лазымдыр
