Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сурија президенти Бәшшар Әсәд өлкәсиндәки ИИР һәрби гүввәләринин дејил АБШ, Франса, Түркијә вә Исраил әсҝәрләринин ишғалчы гүввәләр олдуғуну сөјләјиб.
"Ал-Алам" телеканлына мүсаһибә верән Бәшшар Әсәд Ливанын мүгавимәт һәрәкаты "Һизбуллаһ"ын Суријадакы варлығына тохунараг гејд едиб ки, мүһарибә чох узун олаҹаг.
"Буна ҝөрә дә һәрби гүввәләрә еһтијаҹымыз да узун мүддәт давам едәҹәк", - дејә Бәшәр Әсәд сөјләјиб.
Сурија президенти Ҝолан јүксәкликләринин Исраил режиминин ишғалы алтында олдуғуну да сөзләринә әлавә едәрәк, бу әразиләрин дә мүттәфиг Иран вә Русија гүввәләринин көмәклији илә азад едиләҹәјини диггәтә чатдырыб.
Иранын Суријада һәрби фәалијјәти барәдә верилән суала ҹаваб верән Бәшәр Әсәд, "Биз Иранын Суријада олмасындан утанмырыг вә ҝизләтмирик. Әкси олсајды, онлары дәвәт етмәздЫк. Дәфәләрлә Сәудијјә Әрәбистаны тәклиф едиб ки, Ираны өлкәниздән чыхардын, һәр шеји һәлл едәк. Амма бу бизим үчүн базарлыг мөвзусу дејил. Биз сијаси просесә бир шанс вермишик. Әҝәр бу мүвәффәгијјәтсиз оларса, өлкәмизи ҝүҹүмүзлә азад едәҹәјик. Террорчулара гаршы мүбаризә апарырыг вә бу террорчулар Бөјүк Британија һөкумәти, Франса, АБШ, вә Авропа өлкәләри тәрәфиндән дәстәкләнир. Гәрбдә Суријаја олан јанашма будур ки, һөкумәти дәјишдирмәлијик, чүнки онлар артыг сијасәтимизә ујғун ҝәлмирләр", - дејә гејд едиб.
Диггәт: Хәбәрдән истифадә етдикдә мәнбәјә истинад лазымдыр
