Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Февралын 16-да саат 9:00 радәләриндә Бинәгәди рајону әразисиндә мәишәт туллантылары гутусунда һиссәләрә бөлүнмүш гадын мејити тапылыб. Бинәгәди рајону Азадлыг проспекти 28 үнванынын гаршысындакы зибил гутусунда бәдән һиссәләри тапылан 58 јашлы Лјубов Рәһимоваја аид олдуғу ашкарланыб.
Дәһшәтли гәтл һадисәсини төрәдән Ирина Горлова илә Лјубов Рәһимова рәфигә олублар. Февралын 12-дә Сураханы рајону Бүлбүлә гәсәбәсиндә һадисәнин баш вердији ев әввәлләр мәһкум олунмуш 50 јашлы Иринаја мәхсусдур вә рәфигәси бир мүддәт имиш ки, онунла бирҝә јашајырмыш. Онлар вахташыры ички мәҹлисләри тәшкил едирмиш вә белә мәҹлисләрин бириндә рәфигәләр арасында дава дүшүб.
Лјубовун ону сөјмәсиндән әсәбиләшән Ирина габ илә онун башына зәрбә ендириб. Рәфигәсинин өлдүјүнү ҝөрән гадын онун мејитини балта илә доғрајараг торбаја јығыб вә такси чағырыб. О, такси илә өлдүрдүјү рәфигәсинин мејитинин һиссәләрини Бинәгәди рајону Азадлыг проспектинә ҝәтирәрәк бурадакы зибил гутусуна атыб.
Полис тәрәфиндән сахланылан Ирина Горлова мејитин һиссәләрини нијә Бүлбүләдән Азадлыг проспектинә ҝәтирдијини изаһ етмәкдә чәтинлик чәкиб вә пајтахтда тәк бу әразидәки зибиллији таныдығыны дејиб. Лакин сонрадан мәлум олуб ки, Лјубов Рәһимова әввәлләр хејли вахт бу әразидә јашајыб вә Ирина изи итирмәк үчүн онун мејитини һиссәләри бөләрәк бураја ҝәтириб.
Фактла бағлы арашдырмалар давам етдирилир.
Диггәт: Хәбәрдән истифадә етдикдә мәнбәјә истинад лазымдыр
