Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Кәрбәла вагиәсинин Әләмдары вә Бабәл-һәваһиҹ олан Һәзрәт Әбүлфәзл Аббасын (әлејһи сәлам) анҹаг бир һәјат јолдашы олмушдур ки, ады Ләбабә олмушдур. О, Убејдуллаһ ибни Аббасын гызы иди.
О, шәриф бир аиләдән олан иффәтли ханым иди. Өз заманынын ән јахшы бануларындан олмушдур. Имам Әлини (әлејһи сәлам) севәнләрдән иди.
Ләбабәнин Һәзрәт Аббасдан беш оғлу вә бир гызы олур. Ләбабә дә Кәрбәлада иштирак етмишдир вә Гасим адлы оғлу шәһид олмушдур. Башга әсирләрлә бирликдә о, да әзијјәтләрә мәруз галмышдыр. Әсирләри азад етдикдән сонра исә Мәдинәјә гајытмышдыр.
Бу ганлы һадисәдән сонра Ләбабә һәм ҝүндүзләри вә һәм дә ҝеҹәләри ағлајарды. Она ҝөрә дә хәстәләниб 28 јашында дүнјасыны дәјишир.
Өвладлары нәнәләри Үммил-бәнин тәрәфиндән тәрбијә олунмуш вә јетишдирилмишдиләр. Бу ушаглара һимајә етмәк Имам Сәҹҹадын (әлејһи сәлам) өһдәсинә дүшмүшдүр.
Нәгл едирләр ки, нә заман Аббасын өвладларындан бири Имам Сәҹҹадын (әлејһи сәлам) јанына ҝәлсәјди, Һәзрәт (әлејһи сәлам) ҝөз јашларыны сахлаја билмәзди...
Диггәт: Хәбәрдән истифадә етдикдә мәнбәјә истинад лазымдыр
