Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Филиппин мүдафиә назири Делфин Лорензана журналистләрә вердији ачыгламада өлкәнин ҹәнубунда јерләшән Марави шәһәриндә гондарма “ИШИД” адлы террор үнсүрләринә аид "Мауте Ҹамааты" тәшкилатына гаршы давам етдирдикләри 5 ајлыг дөјүшүн сонунун ҝәлдијини билдириб.
Флиппинин Кларк шәһәриндә вердији ачыгламада Д. Лорензана дејиб: “Марави шәһәриндә террорчулара гаршы апарылан силаһлы әмәлијјатлар нәтиҹәсиндә миндән артыг террорчу мәһв едилиб. Артыг Флиппин һәрбичиләри гаршысына чыха биләҹәк террор групу галмајыб.”
О, билдириб: ““Мауте Ҹамааты” сонунҹу террор груплашмасы иди ки, Флиппин һәрбичиләри илә үз-үзә ҝәләрәк мүгавимәт ҝөстәрдиләр. Сонунҹу әмәлијјатдан сонра вә ҝиров ҝөтүрүлмүш инсанларын азад едилмәсинин ардынҹа шәһәрин тәһлүкәсизлији тәмин едилиб.”
Филиппин Минданао әјаләтинә бағлы Марави шәһәриндә ИШИД-ә бејәт етмиш "Мауте Ҹаматы" тәшкилаты илә һөкүмәт гүввәләри арасында 5 ајлыг дөјүшләрдә 1131 нәфәр һәлак олуб. Бунлардан 919 нәфәри террорчу үнсүр, 165 нәфәри исә, Флиппин һөкүмәт гүввәләри олуб.
Диггәт: Хәбәрдән истифадә етдикдә мәнбәјә истинад лазымдыр
