Әһлибејт (ә) Хәбәр Аҝентлији абна-Шаир Тофиг Һәсәнли артыг ики илдир ки, һәбсдәдир. Анасы Зәрифә Ҹәлалова оғлунун һәбсиндәки наркотик сатышы иттиһамыны гәбул етмир. Ана дејир ки, Тофиг Һәсәнли сөз үстүндә, јаздығы шеирләрә ҝөрә һәбс олунуб. Ананы исә бу һәбсдән даһа чох оғлунун шәрләнмиш олмасы јаралајыр. “Сән мәним баламы бир кәлимә сөз үстә тут, үстүнә дә дәрман гој. Мәним балам “дәрман иши"нә бахмајыб. “Дәрман” сатанын еви бу ҹүр олар? 30 илдир мән ев тикмишәм, һәлә үстүнү бағлаја билмирәм”. Зәрифә Ҹәлалова 110 манат пенсија алыр. О, оғлунун еһтијаҹларыны гаршылаја билмәдији үчүн нараһат олдуғуну дејир.
“Орада биринин бир тикәси оланда бир јердә јејирләр. Амма ҝәрәк мән дә балам үчүн нәсә ҝөндәрәм ахы”.
84 јашлы ананын истәји оғлуну тезликлә азадлыгда ҝөрмәкдир
"Ај нәнә” дејән кими тез ҝәлиб сорушурду, нә олуб. Башын ағрајыр? Голуну-гычыны овум? Мәни инфакт вурду, памперсими әјнимә кечирирди. Тофиг белә ушагдыр. Тофигин азад олунмағыны, әлбәттә, истәјирәм”.
Вәкил Елчин Садыгов Мејдан ТВ-јә билдириб ки, августун 14-дә Тофиг Һәсәнлијә ишҝәнҹә верилмәси факты илә бағлы Сәбаил Рајон Мәһкәмәсиндә кечириләҹәк просес ајын 22-дәк тәхирә салыныб. Тофиг Һәсәнли 2015-ҹи ил, август ајынын 12-дә сахланылыб. Она 2016-ҹы ил августун 22-дә ганунсуз наркотик дөвријјәси иттиһамы илә 6 ил һәбс ҹәзасы верилиб.
Гәрардан верилән апелјасија вә кассасија шикајәтләри тәмин олунмајыб. Тофиг Һәсәнли вәкили Елчин Садыгова билдириб ки, верилән иттиһамлары гәбул етмәси үчүн она Ләнкәран Полис Идарәсиндә ишҝәнҹә верилиб. Иттиһамлары гәбул етмәјәҹәји тәгдирдә бутулка илә зорлајаҹагларыны дејибләр
