Әһлибејт (ә) Хәбәр Аҝентлијинин вердији мәлумата ҝөрә - Ливан Һизбуллаһ Һәрәкатынын Баш катиби Сејјид Һәсән Нәсруллаһ, "Сионистләр Ијул мүһарибәсиндә Һизбуллаһы јох етмәк истәјирдиләр. Лакин мүһарибәдән 11 ил кечмәсинә бахмајараг мәғлубијјәтә уғрадыгларыны етираф едирләр" дејә билдириб.
Ливан Һизбуллаһ Һәрәкатыын Баш катиби Сејјид Һәсән Нәсруллаһ, 33 ҝүнлүк Ливан мүһарибәсинин илдөнүмү мүнасибәтијлә бир ачыглама вериб.
Сејјид Һәсән Нәсруллаһ, вердији ачыгламада, "Бу ҝүн дәјәр вердијимиз вә гәһрәманларымызын фәдакарлыгларыны хатырладан бөјүк бир ҝүндүр. 33 ҝүнлүк бир дөјүшдән сонра газандығымыз зәфәрин илдөнүмүнү Әл-Һәјјам мәнтәгәсиндә гејд едирик. Әл-Һәјјам Мүсәлманлар вә христианларын дослтук вә сүлһ ичәрисиндә бирликдә јашадығы бир бөлҝәдир. Бу бөлҝәнин халгы да бүтүн Ливан халгы кими Сионист режими гаршысында 33 ҝүн мүгавимәт ҝөстәрди "дејә билдириб.
Һизбуллаһ Һәрәкатынын Баш катиби, "Ијулда мејдана ҝәлән бу дөјүш дүшмәнләрә дағ кими синә ҝәрән кәсләрин фәдакарлыгларыны хатырладыр. Лакин Сионистләр онлары ҝөрүнҹә сичанлар кими гачырдылар. Индики дә Ливан торпагларына ҝирмәјә чалышан һәр һансы бир Сионист ҝүҹ әввәлкиндән даһа бөјүк бир мәғлубијјәтә уғрајаҹаг "деди.
Нәсруллаһ сөзләринә бунлары әлавә едиб, "Сионистләр Ијул мүһарибәсиндә Һизбуллаһы јох етмәк истәјирдиләр. Лакин мүһарибәдән 11 ил кечмәсинә бахмајараг мәғлубијјәтә уғрадыгларыны етираф едирләр. Әҝәр ҹидди бир Мүгавимәтимиз олмасајды бу зәфәр һәјата кечмәзди. Ливанда чох ҹидди бир мүгавимәт вардыр. Бөлҝәдәки бүтүн инкишафларын вә дүшмәнләрин фәалијјәтләри нәзәрә алыныр. Дүшмән онун әсл проблеминин Мүгавимәтимиз олдуғуну билир. Мүгавимәт, һеч бир заман шәхси мәгсәдләрин архасында олмады. Бәзи сијасәтчиләр Арсал дөјүшүндән бизим бир пај истәјәҹәјимизи дүшүнүрдү. Бурадан бу мөвзуну дәгиг бир шәкилдә рәдд едирәм. Һеч бир шејә ҝөз дикмәмишик. Һизбуллаһ Һәрәкаты, Ијул мүһарибәсиндән сонра даһа да ҝүҹләнмишдир вә Сионистләр дә буна даим етираф етмишдир".
Диггәт! Хәбәрдән истифадә етдикдә мәнбәјә истинад лазымдыр
