Әһлибејт (ә) Хәбәр Аҝентлији абна-Мүсәлман Бирлији Һәрәкатынын сәдри, илаһијјатчы Талеһ Бағырзадә Гобустандакы гапалы һәбсханада дәһшәтли ишҝәнҹәләрә мәруз галыб.
Бу һагда “Азадлиг.инфо”ја илаһијјатчынын јахынлары мәлумат вериб.
Ишҝәнҹә нәтиҹәсиндә Талеһ Бағырзадәнин вәзијјәтинин писләшдији вә һазырда да дурумунун ағыр олдуғу билдирилир. Илаһијјатчынын вәкили Јалчын Иманов билдириб ки, мүвәккили илә ҝөрүш үчүн ордерин сурәтини вә мүвафиг мәктубу хејли вахтдыр ки, Пенитенсиар Хидмәтә ҝөндәрсә дә, һәлә ки, ҹаваб ҝәлмәјиб. Бу сәбәбдән вәкил Талеһ Бағырзадә илә ҝөрүшә билмир. Нардаран иши үзрә мәһкум едилмиш вә һөкмә әсасән, ҹәзасынын 7 илини Гобустан һәбсханасында чәкмәли олан мәһбусларын – Талеһ Бағырзадә, Аббас Һүсејнов вә Ҹаббар Ҹаббаровун јахынлары һәбсханаја ҝедиб онлар һаггында мәлумат алмаға ҹәһд едәҹәкләр.
Шәнбә ҝүнү олдуғундан Пенитенсиар Хидмәтдән мәсәлә илә әлагәдар ҹаваб алмаг мүмкүн олмајыб.
Талеһ Бағырзадә 2015-ҹи ил нојабрын 26-да Баш Мүтәшәккил Ҹинајәткарлыгла Мүбаризә Идарәсинин әмәкдашларынын Нардаранда кечирдикләри вә алты нәфәрин өлүмү илә нәтиҹәләнмиш әмәлијјат заманы һәбс олунуб. О, Бакы Ағыр Ҹинајәтләр Мәһкәмәсинин һөкмү илә 20 ил азадлыгдан мәһрум едилиб.
Талеһ Бағырзадә иттиһамлары рәдд едир. Өзү дә дахил, әмәлијјат заманы һәбс олунанларын һеч бириндә силаһ олмадығыны, өлдүрүләнләрин һамысынын полисләрин өзләри тәрәфиндән гәтлә јетирилдијини билдирир.
Диггәт! Хәбәрдән истифадә етдикдә мәнбәјә истинад лазымдыр
