Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сомали Ордусунун спикери дејиб: “Сомали Орду Гүввәләринин әл Шәбаб террор груплашмасынын Кисимају шәһәринин шималында јерләшән һәрби базасына гаршы етдији һүҹуму нәтиҹәсиндә 13 јараглы мәһв едилмиш вә даһа 10 јараглы исә, мүхтәлиф дәрәҹәли бәдән әхсарәтләри алараг јараланмышдыр.”
Спикер даһа сонра дејиб: “Әлдә етдијимиз мәлуматлара ҝөрә, әл Шәбаб террорчу груплашмасы Сомали һәрбичиләринин Кисимају шәһәриндәки базаларына гаршы әмәлијјатлар апараҹағы мәлум олду. Бу сәбәбдән дә, алтернатив аддым атараг дүшмәнә гәфил һүҹум едиб базасыны әлә кечиртдик.”
Гејд едәк ки, әл Шәбаб сәләфи әгидәли террор груплашмасыдыр. Сомалидә фәалијјәт ҝөстәрән бу радикал груплашма 2012-ҹи илә кими рәсми олараг өзүнү бејнәлхалг әл Гаидә террор груплашмасынын бир голу кими гәләмә верирди. Лакин сонрадан гондарма “ИШИД” адлы террор груплашмасына биәт етдеијини ачыглады. Террорчу груплашма бу ҝүнә кими Сомалинин бир чох бөлҝәләринә нәзарәт едир. Вә бу өлкәнин тәһлүкәсизлијини ҹидди хәтәрә салараг һәтта гоншу өлкәләрин сабитлијинә хәләл јетирир.
Диггәт: Хәбәрдән истифадә етдикдә мәнбәјә истинад лазымдыр
