Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мјанмарда Роһинҝија мүсәлманларынын мәскунлашдығы дүшәрҝәләрдә дурум чох ағырдыр.
Инсан һүгуглары тәшкилатлары Мјанмар һөкумәтинин Роһинҝија мүсәлманларыны мәскунлашдырмаг үчүн јаратдығы гачгын дүшәрҝәләриндәки дурумун ағыр олдуғуну билдирир вә буна ҝөрә Мјанмар һөкумәтини тәнгид едир. Онлар билдирир ки, бу дүшәрҝәләрдә дурум јахшылашмајыб, әксинә, даһа да ағырлашыб.
2012-ҹи илдә ифратчы буддистләрин Мјанмарда Роһинҝија мүсәлманларына гаршы ҹинајәтләри нәтиҹәсиндә 120 миндән чох роһинҝијалы мүсәлман өз евләриндән дидәрҝин олду вә гачгын дүшәрҝәләриндә мәскунлашмаға мәҹбур олуб. Мјанмар һөкумәтинин Роһинҝија мүсәлманларына гаршы ҹинајәтләри дүнјада азадлыгсевәр инсанлар вә тәшкилатлар тәрәфиндән тәнгид олунду.
Роһинҝија мүсәлманлары дүнјада ән чох ишкәнҹә олунан азллыг һесаб олунур. Узун иләрдир ки, онларын бир чох һүгуглары, о ҹүмләдән вәтәндашлыг һүгуглары, азадлыг вә диҝәр һүгуглары тапдаланыр. Онлар гәтлиам олунур.
БМТ-нин Инсан Һаглары офисинин өтән ај ачыгладығы һесабата ҝөрә, Мјанмар тәһлүкәсизлик гүввәләри мүсәлман гадынлара гаршы гәтлиам вә груп шәклиндә зорлама һәјата кечирмәклә бәшәријјәт әлејһинә ҹинајәт төрәдир. БМТ рәсмиләри елан едиб ки, 1000 нәфәрдән чох бу ҹинајәтин гурбаны олуб.
Гејд едәк ки, 2012-ҹи илдән башлајараг Мјанмар мүсәлманлары буддистләрин һүҹумларына мәруз галыб вә индијәдәк чох сајда мүсәлман гәтлиам едилиб, јүзләрлә ев вә иш јерләри мәһв едилиб вә минләрлә инсан дидәрҝин дүшүб.
Диггәт: Хәбәрдән истифадә етдикдә мәнбәјә истинад лазымдыр
