Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Бакы Ағыр Ҹинајәтләр Мәһкәмәсиндә һаким Зејнал Ағајевин сәдрлији илә кечириләҹәк мәһкәмә просеси тәхирә салыныб.
Мәлумата ҝөрә, бу ҝүн саат 11:00-а тәјин олунан мәһкәмә, әввәлҹә 14:30-а тәхирә салыныб. Даһа сонра 14:30-да исә кечән дәфә шаһид гисминдә ҝәлән бандотдел әмәлијјатчысы Елман Бајрамов бу ҝүнки мәһкәмә просесинә гатылмајыб. Һаким исә, вәкилләрдән биринин ҝәлмәмәсини бәһанә едәрәк мәһкәмәни 15 мај, саат 11:00-а тәхирә салындығыны елан едиб.
Гејд едәк ки, 2015-ҹи ил нојабр ајында Нардаран гәсәбәсиндә кечирилән әмәлијјат заманы "Мүсәлман Бирлији" адлы тәшкилатын рәһбәри Талеһ Бағыров, дәстәнин 17 нәфәрлик үзвү сахланылыб.
Даһа сонра "Нардаран иши-3" мәһкәмә просесиндә режим тәрәфиндән вәтәнә хәјанәт вә диҝәр маддәләрлә ШӘРЛӘНДИРИЛӘН Шиә Руһаниси Гуран Һафизи Һөҹҹәтүл Ислам Һаҹы Зүлфүгар Микајылов, Һөҹҹәтүл Ислам Һаҹы Елман Ағајев, Һөҹҹәтүл Ислам Рамил Сејфуллајев, Һөҹҹәтүл Ислам Рузи Исмајылов, Шиә активистләри Фаиг Аллаһвердијев, Әли Һүсејнов, Меһман Гулијев, Меһман Мәммәдов, Елдар Бүнјадов, Елхан Һәсәнов, Мүбариз Ибраһимов вә Ҹабир Әлијев барәләриндә дә һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
