Әһли Бејт (әлејһимус-сәлам) - АБНА – Хәбәр Аҝентлији- Ибни Аббас Пејғәмбәрдән (с) нәгл едир ки, бујуруб: “Шәбан ајы шәрәфли ајдыр. О, мәним ајымдыр. Әрши һәмл едән мәләкләр ону уҹа тутарлар вә һаггыны таныјарлар.
Бу, о ајдыр ки, Рамазан ајына ҝөрә мөминләрин рузиси артар. Беһишт бәзәдиләр вә зинәтләнәр. Она шәбан адыны она ҝөрә гојублар ки, бу ајда мөминләрин рузиси пајланар. Бу, әмәл ајыдыр. Бу ајда һәр бир һәсәнә 70 һәсәнәјә бәрабәрдир. Ҝүнаһлар (әмәл дәфтәриндән) пак вә бағышланмыш олар. Јахшы әмәл гәбул олунар. Әзәмәтли Пәрвәрдиҝар Өз әршиндән оруҹ тутанлара вә ибадәт едәнләрә нәзәр салар”. Бу заман Имам Әли (ә) јериндән галхараг деди: “Атам вә анам Рәсулуллаһа фәда олсун! Бу ајын фәзиләтләрини даһа чох бәјан един ки, бу ајда оруҹ тутмаг вә ибадәт етмәјә һәвәсимиз артсын”.
Һәзрәт Пејғәмбәр (с) бујурур:
“Һәр ким Шәбан ајынын илк ҝүнүнү оруҹ тутарса, Аллаһ онун үчүн 70 һәсәнә јазар. Һәр һәсәнә дә бир ил ибадәтә бәрабәрдир.
Һәр ким Шәбан ајынын ики ҝүнүнү оруҹ тутарса, ону мәһв едә билән ҝүнаһлары бағышланмыш олар.
Һәр ким Шәбан ајынын дөрд ҝүнүнү оруҹ тутарса, рузисиндә артма олар.
Һәр ким бу ајын 5 ҝүнүнү оруҹ тутарса, Аллаһ онун мәһәббәтини инсанларын гәлбинә салар.
Һәр ким 6 ҝүн оруҹ тутарса, Аллаһ 70 нөв бәланы ондан узаглашдырар.
Һәр ким 7 ҝүн оруҹ тутарса, Иблисдән, онун ордусундан, вәсвәсәләриндән аманда олар.
Һәр ким 8 ҝүн оруҹ тутарса, Гүдс һовузундан дојунҹа ичмәјинҹә дүнјадан ҝетмәз.
Һәр ким 9 ҝүн оруҹ тутарса, Мәнкир вә Нәкир суал-ҹаваб заманы онунла меһрибан рәфтар едәрләр.
Һәр ким 10 ҝүн оруҹ тутарса, Аллаһ онун гәбрини 70 зәраһ (өлчү ваһидидир) ҝенишләндирәр.
Һәр ким Шәбан ајынын 11 ҝүнүнү оруҹ тутарса, гәбринин јухарысына нур сачан он бир минарә санҹылар.
Һәр ким 12 ҝүн оруҹ тутарса, Гијамәтә гәдәр 70 мин мәләк һәр ҝүн гәбрини зијарәт едәр.
Һәр ким 13 ҝүн оруҹ тутарса, 7 сәманын мәләкләри онун үчүн бағышланма диләјәрләр.
Һәр ким бу ајын 14 ҝүнүнү оруҹ тутарса, дөрдајаглылара вә вәһши һејванлара вә һәтта дәнизләрин балыгларына илһам едиләр ки, онун үчүн бағышланма диләсинләр.
Һәр ким бу ајын 15 ҝүнүнү оруҹ тутарса, Әзиз Аллаһ она хитаб едәр: “Иззәтимә анд олсун ки, сәни атәшдә јандырмајаҹағам”. Һәр ким 16 ҝүн оруҹ тутарса, онун үчүн 70 атәш дәнизи сөнәр.
Һәр ким 17 ҝүн оруҹ тутарса, атәшин бүтүн гапылары онун үзүнә бағланар. Һәр ким 18 ҝүн оруҹ тутарса, беһиштин бүтүн гапылары онун үзүнә ачылар.
Һәр ким 19 ҝүн оруҹ тутарса, беһиштдә дүрр вә јагутдан олан 70 мин сарај она әта едиләр. Һәр ким 20 ҝүн оруҹ тутарса, беһишт һуриләриндән 70 мини онун һәјат јолдашы олар.
Һәр ким 21 ҝүн оруҹ тутарса, мәләкләр она “хош ҝәлмисән” дејәрләр вә ганадлары илә она көлҝә саларлар.
Һәр ким 22 ҝүн оруҹ тутарса, она 70 мин палтар ҝејиндирәрләр.
Һәр ким 23 ҝүн оруҹ тутарса, гәбирдән чыхан заман онун үчүн нурдан олан минәҹәк һазырлајарлар. О, һәмин нурдан олан минәҹәјә минәр вә беһиштә тәрәф учар.
Һәр ким 24 ҝүн оруҹ тутарса, төвһид әһлиндән 70 мин нәфәрә шәфаәт етмәк ихтијары она вериләр.
Һәрким 25 ҝүноруҹтутарса, нифагданамандаолар.
Һәр ким 26 ҝүн оруҹ тутарса, Аллаһ сиратдан кечмәк иҹазәсини она верәр.
Һәр ким 27 ҝүн оруҹ тутарса, Аллаһ онун ҹәһәннәм атәшиндән азад олмаг әмрини верәр.
Һәр ким 28 ҝүн оруҹ тутарса, нурани вә шад симаја малик олар.
Һәр ким 29 ҝүн оруҹ тутарса, ән бөјүк мүкафат олан Бөјүк Аллаһын разылығыны әлдә едәр. Һәр ким 30 ҝүн оруҹ тутарса, Ҹәбрајыл (ә) она әршдән хитаб едәр: “Еј киши! Әмәлини әввәлдән башла. Јенидән ишә башла. Чүнки кечмиш ҝүнаһларын бағышланмышдыр. Вә бу Аләмләрин Пәрвәрдиҝарынын бујуруғудур ки: Әҝәр сәнин ҝүнаһларын улдузларын сајы, јағышын дамҹыларынын сајы, ағаҹларын јарпагларынын сајы, сәһраларын гумларынын сајы, дүнјадакы ҝүнләрин сајы гәдәр олса, Мән онларын һамысыны бағышлајарам”.
Диггәт: Хәбәрдән истифадә етдикдә мәнбәјә истинад лазымдыр
