Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 02 Апрел 1993-ҹү ил Дағлыг Гарабағ әразисиндән кәнарда јерләшән Кәлбәҹәр рајонунун түрк, ермәни вә рус бирләшмәләриндән ибарәт ишғалчы Ермәнистан ордусу тәрәфиндән ишғал едилди.
Ашағыдакы видеочархда ҝөрдүјүнүз шәхс Кәлбәҹәрин ишғалында иштирак едән Түркијә көннүллүсүдүр. Кәлбәҹәри јениҹә ишғал етдикдән билафасилә сонра Түрк медијасына “ағыздолусу” мүсаһибә верир...
Гејд едәк ки, ермәни вәһшиләри тәрәфиндән Кәлбәҹәр рајонунун ишғал едилмәси нәтиҹәсиндә динҹ әһалијә вәһшиҹәсинә диван тутулуб, јерли әһали мин илләр боју јашадығы ата-баба торпағындан говулараг дидәрҝин салыныб.
Кәлбәҹәрин ишғалындан сонра 3205 сајлы иҹласда БМТ Тәһлүкәсизлик Шурасы 822 сајлы Гәтнамә гәбул едиб. Гәтнамәдә бүтүн ишғалчы гүввәләрин Кәлбәҹәр вә Азәрбајҹанын диҝәр ишғал олунмуш рајонларындан дәрһал чыхарылмасы тәләб олунур. Лакин индијәдәк һәмин гәтнамәдән ирәли ҝәлән һәр һансы өһдәлик јеринә јетирилмәјиб.
Кәлбәҹәр рајонунун әһалиси Азәрбајҹан Республикасынын 56 рајон вә шәһәринин 707 јашајыш мәнтәгәсиндә гачгынлыг шәраитиндә јашајыр. Кәлбәҹәр рајону әразисиндә галмыш 13.000-дәк фәрди мәнзил, 37.852 һа мешә саһәси инди дә талан олмагдадыр. БМТ-нин вә АТӘТ-ин принсипләринә зидд олараг 1999-ҹу илдән Кәлбәҹәр рајону әразисиндә ермәниләрин мәскунлашдырылмасына башланылыб.
1993-ҹү илин гијмәтләринә ҝөрә Кәлбәҹәрин халг тәсәррүфатына 703 милјард 528 милјон рубл зијан вурулмушдур. Ишғал нәтиҹәсиндә Кәлбәҹәрдән 53.340 нәфәр адам говулмуш, 511 динҹ әһали өлдүрүлмүш, 321 нәфәр исә әсир ҝөтүрүлмүш вә иткин дүшмүшдүр.
Диггәт: Хәбәрдән истифадә етдикдә мәнбәјә истинад лазымдыр
