Әһлибейт (ә) Хәбәр Аҝентлийи-Мөвсүм Сәмәдовла бағлы баш верәнләр өлкәнин инанҹлы ҹамеәси, сийаси аренасы вә иҹтимаиййәт нүмайәндәләри тәрәфиндән етиразла гаршыланыб.
Әли Әлийев: “Һесаб едирик ки, Доктор Мөвсүм Сәмәдовун һәбси дә дүзҝүн дейил. Бунунла йанашы һәбсдә олса да, она гаршы давраныш инсан һүгуг вә азадлыглары чәрчивәсиндән кәнара чыхмамалыдыр”
Баш верәнләрлә бағлы “ИсламинСеси”нә ачыглама верән “Вәтәндаш вә Инкишаф Партийасы” нын сәдри Әли Әлийев АИП лидери Һаҹы Мөвсүм Сәмәдовун карса салынмасыны писләйиб: “ Доктор Сәмәдов виҹдан мәһбусу кими бейнәлхалг тәшкилатлар тәрәфиндән танынан вә сийаси бахышларына ҝөрә һәбс едилән шәхсдир. Онун ишҝәнҹәләрә мәруз галмасы факты илк дейил. Мөвсүм Сәмәдовун сахланма шәраитинин мүтәмади олараг дәйишдирилмәси вә онун карса салынмасы, АИП лидеринин хүсуси режимдә ҹәза чәкмәси кими сәҹиййәләндирилмәлидир. Азәрбайҹанда сийаси мүбаризә инсанларын әгидәсинин сындырылмасы, шәхсиййәтләринин ашағыланмасы методу илә һәйата кечирилмәмәлидир. Она ҝөрә дә “ВИП” олараг бизим бу ҹүр һаллара гаршы мөвгейимиз мәнфидир. Һесаб едирик ки, Доктор Мөвсүм Сәмәдовун һәбси дә дүзҝүн дейил. Бунунла йанашы һәбсдә олса да, она гаршы давраныш инсан һүгуг вә азадлыглары чәрчивәсиндән кәнара чыхмамалыдыр”.
Ҹәмил Һәсәнли: “Һаҹы Мөвсүм Сәмәдова гаршы бөйүк һагсызлыг едилиб вә она гаршы сахта ҹинайәт иши ачылыб” “Милли Шура” нын сәдри, профессор Ҹәмил Һәсәнли дә АИП лидеринин карса салынмасына мүнасибәт билдириб вә баш верәнләри гәтиййәтлә писләйиб: “ Бу һагсызлыгдыр. Һаҹы Мөвсүм Сәмәдова гаршы бөйүк һагсызлыг едилиб вә она гаршы сахта ҹинайәт иши ачылыб. Бунунла йанашы Доктор Сәмәдов һәбсханада да инҹидилир. Онун карса салынмасыны писләйирәм”. Акиф Нағы: “Һесаб едирәм ки, һәм һөкумәт, һәм дә һүгуг мүдафиә тәшкилатлары бу мәсәлә илә ҹидди шәкилдә марагланмалыдыр. Ислам Һәмрәйлийи илиндә инанҹлылара гаршы бу ҹүр тәхрибатларын төрәдилмәси йолверилмәздир”
“Гарабағ Азадлыг Тәшкилаты”нын сәдри Акиф Нағы исә “ИсламинСеси” нә мөвзу илә бағлы фикир билдирәркән бунлары дейиб: “Һаҹы Мөвсүм Сәмәдовун һәбси вә онун ҹәзачәкмә мүәссисәсиндә инҹидилмәси бөйүк һагсызлыгдыр. Доктор Сәмәдов һеч бир ҹинайәт төрәтмәйиб ки, һәбс олунсун. Бу бир тәрәфә, үстәлик она динҹ шәкилдә һәбс мүддәтини чәкмәйә имкан вермирләр. Һәр ҹүр тәхрибат төрәдирләр. Һесаб едирәм ки, һәм һөкумәт, һәм дә һүгуг мүдафиә тәшкилатлары бу мәсәлә илә ҹидди шәкилдә марагланмалыдыр. Ислам Һәмрәйлийи илиндә инанҹлылара гаршы бу ҹүр тәхрибатларын төрәдилмәси йолверилмәздир. Әксинә һәбсдә олан диндарлара әдаләтли йанашмалыдырлар. Бүтүн бунлар йолверилмәздир вә ҹәмиййәтин диггәтиндә олмалыдыр”.
