Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 2011 ҹи илин Јанвар ајынын 2-дә өлкәдә ҝедән өзбашналыглара вә сосиал проблемләрә етираз едәрәк коррупсијанын сона јетмәсини истәдији үчүн мөвҹуд әлијевләр режими тәрәфиндән ШӘРЛӘНӘРӘК 12 мүддәтиндә азадлыг немәтиндән мәһрум едилән Азәрбајҹан Ислам Партијасынын лидери Доктор Мөвсүм Сәмәдов јенидән карес режиминә салынараг вахты даһа ики ај мүддәтиндә узадылыб.
Баш верән бу өзбашыналыглара етираз олараг Азәрбајҹан Ислам Партијасы бәјанат јајыб.
Бу браәдә "ИсламинСеси"нә партијанын Мәтбуат Хидмәтиндән мәлумат дахил олуб.
Бәјанатда дејилир:
АИП лидери Доктор Һаҹы Мөвсүм Сәмәдова гаршы гәрәзли ишҝәнҹә һаллары давам едир.Пенитенсиар Хидмәтин 12 сајлы Ҹәзачәкмә Мүәссисәсиндә мәһбус һәјаты јашајан Сәмәдов мүәссисә сәлаһијјәтлиләринин мәгсәдли, негатив мүнасибәтилә гаршылашмагдадыр. О, мүхтәлиф бәһанәләрлә һәбсханада ҹәза чәкән мәһбусларла үнсијјәтдән белә тәҹрид олунур. Артыг бу мүәссисәјә дахил олдуғу гыса мүддәт әрзиндә бир нечә дәфә карсер режиминә салынмыш, нәтиҹәдә бу, дәјәрли иҹтимаи-сијаси хадим, бөјүк Ислам алими Доктор Мөвсүм Сәмәдовун сәһһәтиндә проблемләрин јаранмасына сәбәб олмушдур.
Һесаб едирик ки, Һаҹыја гаршы баш верән һагсызлыглар онун баракда намаз гылмасы илә дејил, садәҹә сәһһәтинин тәһлүкәли һәддә чатдырылмасына, физики ҹәһәтдән арадан апарылмасына өлчүлмүшдүр. Буна ҝөрә дә Азәрбајҹанын сағлам иҹтимаијјәтини, хүсусән дә дини ҹамеәни Мөвсүм Сәмәдовун әввәлҹә үч ҝүнлүк, бу мүддәт битдикдән сонра исә даһа ики ај мүддәтинә карсер режиминә салынмасы, мәһз Новруз бајрамы ҝүнләрини гапалы вә ағыр режимдә кечирмәјә мәһкум едилмәси ҹидди нараһат едир.
Азәрбајҹан Ислам Партијасы бәјан едир ки, Доктор Мөвсүм Сәмәдова гаршы бу ишҝәнҹәләр Азәрбајҹанда вә бүтөвлүкдә демократик аләмдә инсан һагг вә һүгугларынын кобуд шәкилдә позулмасы, вәтәндашлара, о ҹүмләдән мәһбус һәјаты јашајан инсанлара гаршы јөнәлмиш амбисијалы, ачыг дүшмәнчилик, инсанларын физики вә мәнәви ҹәһәтдән мәһв едилмәси һалы кими гијмәтләндирилмәлидир. Буна рәғмән дүнјада инсан һагларынын, Ислами дәјәрләрин вә бу дәјәрләрин дашыјыҹыларынын горунмасында мараглы олан дөвләтләрин, халгларын, дөвләт рәһбәрләринин, иҹтимаи-сијаси тәшкилатларын, ајры-ајры институтларын, бејнәлхалг гурумларын фикир вә дүшүнҹәләри, објектив мөвгеләри ваҹиб вә әһәмијјәтлидир.
Дүшүнүрүк ки, дәјәрли руһани алимләрә јөнәлик негатив мүнасибәтләр мүгәддәс динимизә олан мүнасибәтдән доғур. Бу исә вәтәндашларынын 97 фаизи мүсәлманлардан ибарәт бир мәмләкәтдә јолверилмәздир. Ону да унутмаг олмаз ки, торпагларымызын 20 фаизини ишғал алтында сахлајан дүшмәнләримиз өлкәмиздә инсан һагларынын кобуд шәкилдә позулмасыны ҝүндәмә ҝәтирмәклә дүнја иҹтимаијјәтинин фикрини өз мараглары бахымындан дәјишмәк үчүн истифадә едирләр. Нәтиҹә етибары илә Һаҹы Мөвсүмләрә гаршы дүшмәнчилик әсл дүшмәнләримизин марагларына хидмәт етмиш олур.
Азәрбајҹан Ислам Партијасы
Диггәт: Хәбәрдән истифадә етдикдә мәнбәјә истинад лазымдыр
