Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Шиә Дүнјасынын бөјүк мәрҹәји-тәглид алимләриндән Ајәтуллаһ Һүсејн Нури Һәмәдани мәзлум Бәһрејн халгына мүраҹиәт едәрәк, бирлик вә бәрабәрлик ичиндә Бәһрејн режиминә гаршы дајанмалары вә мүгавимәт ҝөстәрмәләрини истәјиб.
Ајәтуллаһ Һәмәдани мартын 13-дә пајлашдығы месажында, Бәһрејн халгынын сон илләрдә әдаләтин иҹрасы вә азадлыг кими, ән фундаментал һүгуглары уғрунда, бу өлкәнин танынмыш алимләриндән Ајәтуллаһ Иса Гасымын мүбаризә апардығы үчүн Бәһрејн режими тәрәфиндән зоракылыг вә тәзјигә мәруз галдығыны билдириб. Ајәтуллаһ Һәмәдани бу истигамәтдә хејли сајда бәһрејнлинин өлдүрүлдүјүнү вә һәбсханаја атылдығыны хатырладыб.
Әһли-Бејтин (ә) бөјүк мәрҹәји-тәглид алими Бәһрејн халгыны дәстәкләдијини билдирәрәк, Ајәтуллаһ Иса Гасыма гаршы зоракылыглары гынајыб. Ајәтуллаһ Нури Һәмәдани башда Ислам өлкәләри олмагла, бүтүн бејнәлхалг ҹәмијјәтдән Бәһрејн режиминин зоракылыг вә зүлмүнә гаршы сәссиз галмамағы вә мәзлум Бәһрејн халгыны мүдафиә етмәләрини истәјиб.
Диггәт: Хәбәрдән истифадә етдикдә мәнбәјә истинад лазымдыр
