Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мартын 10-да әлијевләр режими Бакы Ағыр Ҹинајәтләр Мәһкәмәсиндә “Мүсәлман Бирлији” Һәрәкатынын сәдр мүавини Шиә Руһаниси Елчин Гасымов, Наһид Гәһрәманов, Ағаәли Јәһјајев, Сејјид Сејфәддин Ширванов, Шиә Руһаниси Фәрһад Мурадов, Рамил Әлијев, Шиә Руһаниси Елҝүн Ахундов, Вүсал Алыш, Шиә Руһаниси Иса Ибраһимов, Сејмур Асланов, Әли Шаһбазов вә Әмирли Әлијеви ШӘРЛӘЈӘРӘК онлар үчүн дүзәлтдикләри “ҹинајәт иши” үзрә мәһкәмә просесини давам етдирибләр.
Мәлумата ҝөрә, режимин әдаләтсиз һаким Мајыл Бајрамовун сәдрлик етдији просесдә “зәрәрчәкмиш кими” гәләмә верилән Сабунчу рајон Полис Идарәсинин әмәкдашлары ифадә верибләр. Онлардан Јунис Мәммәдов дејиб ки, 2015-ҹи ил нојабрын 5-дә Тофиг Бәһрамов адына стадионда футбол матчында асајиши горујан заман онлара Сабунчу Рајон ПИ-нә ҝетмәк әмри верилиб:
"Биз идарәјә ҝедәндә 100-150 нәфәр јығышыб асајиши позурдулар. Идарәјә даш атырдылар. Биз дә бир нечә нәфәри сахлајыб идарәјә апардыг. Һадисә вахты каска вә галханым чатлады, гандалым итди. Јығышанлар Елчин Гасымовун азадлыға бурахылмасыны тәләб едирдиләр".
Вәкил Ирадә Ҹавадова исә ондан "киминсә азадлығыны тәләб етмәк ганунсузлуг кими гијмәтләндирилә биләрми" -сорушуб. Әдаләтсиз һаким суалы чыхарыб вә ҹаваб вермәјә гојмајыб. Бу исә ШӘРЛӘНӘН Елчин Гасымовун наразылығына сәбәб олуб. О, суала ҹаваб верилмәсини истәјиб. Әдаләтсиз һаким исә ондан әјләшмәји тәләб едиб. Бу заман һакимлә Елчин Гасымов вә диҝәр ШӘРЛӘНӘН мәһбуслар арасында мүбаһисә дүшүб. Е.Гасымов әдаләтсиз һакимә етиразыны билдириб:
"Сәнин һеч бөјүјүн бизә әмр верә билмир. Һамысынын ҝүнаһы сиздәдир. Шәрләјиб салмысыныз бура, данышмаға гојмурсунуз. Ҹинајәткарын бөјүјү сизсиниз".
Тәрәфләр сакитләшәндән сонра вәкилләр зәрәрчәкмишә суал верибләр. Вәкиләр ондан гандал вә галханын кимә мәхсус олдуғуну сорушублар. Ј. Мәммәдов һәмин әшјаларын дөвләтә мәхсус олдуғуну дејиб. Вәкилләр ондан сорушублар: О заман нәјин зәрәрин чәкмисиниз?" Ј.Мәммәдов суала ҹаваб вермәјиб.
Шиә руһаниси Елчин Гасымов исә Ј.Мәммәдовдан сорушуб: "Басгын дејәндә нәји нәзәрдә тутурсунуз?"
Әдаләтсиз һаким һәмин суалы да чыхарыб. Бу, јенә Е.Гасымовун наразылығына сәбәб олуб:
"Истинтаг заманы мәндән сорушурдулар ки, зүлмлә мүбаризә апармаг дејәндә нәји нәзәрдә тутурдун. Әҝәр мәним суалым истигамәтвериҹидирсә, бу суал да истигамәтвериҹидир. Сиз мәһкәмә апарырсыныз, јохса театр гурмусунуз? Өзүнүзү нијә вәкил кими апарырсыныз? "
Даһа сонра Е.Гасымов зәрәрчәкмиш Ј.Мәммәдова "Сәнин ифадәнә ҝөрә бизим јох, сәнин талејин һәлл олунур. Нијә ҝәлмисән бураја? Аллаһ сәни һидајәт еләсин" - дејиб вә ондан ишә дүзәлмәк үчүн нә гәдәр пул вердијини сорушуб. Ј. Мәммәдов суала ҹаваб вермәјиб.
Даһа сонра иҹласда диҝәр полис әмәкдашы Хәгани Давудов вә Елмир Әләсҝәров ифадә верибләр. Онлар да истинтаг заманы вердикләри ифадәни тәсдиг едибләр.
Тәгсирләндирилән Ағаәли Јәһјајев исә билдириб ки, нојабрын 5-дә о да полис идарәсинин гаршысында олуб:
"Орада һеч ким даш атмајыб. Һеч даш јох иди атаг. Ҝедиб сорушдум ки, Елчин Гасымову нијә тутмусунуз? Һеч суалымы ахыра чатдырмадым, вуруб чәнәми әјдиләр, сүрүјүб апардылар идарәјә. Сонра диҝәр гардашлары да тутуб ҝәтирдиләр. Орада палаза гојулан һөрмәт бизә гојулмады. Үстүмүздә ҝәзирдиләр. Ермәни дејиб тәһгир едирдиләр. Ҝөзүмә вурдулар, ҝөзүм шишди. О вахтдан ҝөзүмдә проблем вар".
Мәһкәмәнин нөвбәти иҹласы мартын 17--нә тәјин едилиб.
Гејд етмәк лазымдыр ки, ШӘРЛӘНӘН шәхсләрин бир гисми “Мүсәлман Бирлији” Һәрәкатынын үзвүдүр. Тәшкилатын сәдри, Шиә Руһаниси, илаһијјатчы Тале Бағырзадә 2015-ҹи ил нојабрын 26-да илһам әлијевин нәзарәти алтында ДИН әмәкдашлыары тәрәфиндән Нардаранда ганунсуз һәјата кечирилмиш әмәлијјат заманы һәбс олунуб. Бу анти-Шиә әмәлијјаты заманы ДИН ишчиләри 4 Шиә сивили вә ики Шиә полиси мәзлумҹасына Шәһадәтә јетирибләр. РуһаниТалеБағырзадәәәдәаләтсизмәһкәмәнинһөкмүилә 20 илмүддәтинәазадлыгданмәһрумедилиб. Шәрләнәншәхсләристинтагзаманытәзјигәмәрузгалдыгларынывурғулајырлар.
Диггәт: Хәбәрдән истифадә етдикдә мәнбәјә истинад лазымдыр
