Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, сон ҝүнләр Азәрбајҹан һаким мәмурлары тәрәфиндән өлкәдә бирбаша Шиә Руһаниләринә гаршы сәмтләнән репресијалар һәм өлкә дахили һәм дә хариҹдә ҹидди етиразларла үзләшдији кими бундан өнҹә ШӘРЛӘНӘРӘК зиндана салынмыш Руһаниләрин дә, кәскин етиразы илә гаршыланыб.
Белә ки, Азәрбајҹанын танынмыш Шиә Руһаниси вә һаким режимин һәјата кечиртдији Нардаран Фаҹиәси заманы хүсуси зоракылыг вә вәһшиликләрлә ганунсуз һәбс едиләрәк зинданда мәһбәс һәјаты сүрән Һаҹы Тале Бағырзадә ачыг мәктуб үнванлајыб.
Илаһијјатчынын мәктубун сајтымызын изләјиҹиләринә тәгдим едирик:
"Өлкәдә јенә репресија далғасы ҝүҹләниб. Ҝөрүнүр һакимијјәт јенә дә һәбсханалары ҝүнаһсыз инсанларла долдурмаг компанијасына давам етмәк нијјәтиндәдир. Сон ҝүнләрдә апарылан һәбсләр буна сүбутдур. Әдаләтсизлијә гаршы чыхан инсанларын һәбс вә тәгиб едилмәси белә демәк мүмкүндүрсә, боғаза гәдәр ҹинајәтә булашмыш игтидар тәмсилчиләринин пис вәрдишинә чеврилиб вә ҝөрүнүр онлар бу әмәлләриндән дә ҝери чәкилмәк нијјәтиндә дејилләр.
Өлкәдә диндарлара гаршы апарылан тәгибләр 2015-ҹи илин нојабр ајында ән гәддар шәкилдә өзүнү бүрузә верди. Һәбсләр, өлүмләр, ишҝәнҹәләр јашадыг, узун мүддәтли һөкмләр үзүмүзә охунду. Амма ҝөрүнүр бүтүн бунлар һакимијјәтин инанҹлы инсанлара гаршы олан гәзәбини сојутмајыб. Чүнки онлар бизи сындырмаға, сусдурмаға наил ола билмәдиләр. Галиб олмаг истәдикләр һалда мәғлубијјәтин аҹысыны јашамалы олдулар. Она ҝөрә дә сон вахтлар мүхалиф дүшүнҹәли инсанлара гаршы репресијаларын ҝүҹләндији кими, диндарларын да һәбси давам едир. Шејх Сәрдар вә тәрәфдарларынын һәбси буна сүбутдур.
Бир јандан Ислам Һәмрәјли Ојунлары кечириб диҝәр јандан да диндарлары һәбс етмәк бу һакимијјәтин ријакарлығындан хәбәр верир. Мултикултурализмдән данышыб инанҹлы инсанлары мүхтәлиф бөһталарла шәрләјиб тәгиб етмәк сахтакарлыгдан башга бир шеј дејил.
Неҹә олур, бу өлкәдә һакимијјәтә бојун әјмәјән, бунларын гылынҹынын алтындан кечмәјән бүтүн диндарлар ја наркоман олур, ја да террорчу? Аллаһшүкүр Пашазадә кими өзүнү диндар елан едиб бунларын дедијини тәкрар едәнләр мүкафатландырылыр, амма имамы олдуғу мәсҹидин минбәриндән бунлара јалтагланмајан, тәриф демәјән, өз өмрүндән кәсиб бунларын өмрүнә чаламајан диндарлар террорчу елан олунур?
Бу суалларын ҹаваблары бәллидир.
Чүнки Илһам Әлијев вә онун әтрафындакылар әгидәли вә инанҹлы, сағлам инсанларын варлығына дөзмүр. Бу өлкәдә јалтаг вә биҝанә олмајан һәр кәси өзләринә дүшмән һесаб едирләр. Онлара ҝөрә јахшы вәтәндаш да, диндар да анҹаг сусуб бунлара тәриф дејиб јалтаглананлардыр. Адыны диндар гојуб хүтбәсини Аллаһын ады илә дејил, Һејдәр Әлијевин ады илә башлајан “диндар”лары севирләр.
Буна ҝөрә дә азад диндарлар, табе олмаг, тәриф демәк истәмәјән һәр кәс тәјзигләрә мәруз галыр.
Шејх Сәрдар вә тәрәфдарларынын һәбси дә тәгибләрин тәркиб һиссәсидир вә бу тәгибләри гәтијјәтлә писләјирәм.
Дүнја бир имтаһан мејданыдыр вә о мејданда тәк галан сизләрсиниз. Биз тәк дејилик.
Горху илә мүвәггәти дә олса сусдурдуғунуз халг да, Аллаһ вә һидајәти дә бизимләдир.
Бизисизләриншәри, зинданларыгорхутмаз. Бу ҝүн өлкәдә галадығыныз әдәләтсизлик тонгалында бир ҝүн өзүнүз говрулаҹагсыныз. Бизи, бу өлкәдә һагг дејәнләри зинданлара мәһкум етмәклә әслиндә, сиз өзүнүзү әбәди зүлмә вә әзаба мәһкум етмисиниз.
Гураны-Кәримдә дејилир. “Аллаһ иман ҝәтирәнләрин досту вә башчысыдыр. Онлары гаранлыглардан нура чыхарар. Кафир оланларын башчылары исә азғын вә итаәтсизләрдир ки, онлары нурдан мәһрум едәр. Онлар ҹәһәннәм әһлидирләр вә орада әбәди галаҹалар.” Бәгәрә сүрәси, 257
Тале Бағырзадә
Күрдәханы тәдриҹханасы, феврал 2017 "
Диггәт: Хәбәрдән истифадә етдикдә мәнбәјә истинад лазымдыр
