Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору Азәрбајҹанын танынмыш Шиә руһаниси Шејх Сәрдар Һаҹыһәсәнли бу ҝүн сәһәр саат 10-да сахланылыб.
Руһани Шејх Сәрдар Һаҹыһәсәнлинин вәкили Ҹавад Ҹавадов мүвәккилинин дурумуна даир өз сосиал медиадакы сәһифәсиндә ачыглама јајыб.
Танынмыш вәкилин ачыгламасында дејилир:
Медиа тәрәфиндән мүмкүн гәдәр јајлмасыны хаһиш едирәм:
Сәрдар Бабајев барәсиндә Масаллы рајон Мәһкәмәсинин бу ҝүнкү гәрары илә һәбс гәтимкан тәдбири сечилиб, һансы мүддәтә сабаһ биләҹәм.
Она елан олунан иттиһам Ҹинајәт Мәҹәлләсинин 168-1.1. маддәси Ислам дининә аид ајин вә мәрасимләрин хариҹдә дини тәһсил алмыш Азәрбајҹан Республикасынын вәтәндашы тәрәфиндән апарылмасыдыр.
1) Сәрдар Бабајев Азәрбајҹанда дини тәһсил алмасы илә бағлы истинтаг органында мәлумат вардыр;
2) Маддәнин өзү Авропа Инсан Һүгуглары вә Әсас Азадлыглары һаггында Конвенсијасына зиддир;
3) Бу ҹинајәт аз-ағыр ҹинајәтләр категоријасына аиддир;
4) Сәрдар Бабајев дәфәләрлә истинтаг органынын чағырышларына көнүллү олараг ҝәлибдир.
Һөкүмәт рәсмиләриндән хаһиш едирәм бу ганунсузлуғун арадан галдырылмасы үчүн мүдахилә едилсин вә Сәрдар Бабајев һәбсдән азад едилсин.
Гејд едәк ки, Масаллы Рајон Иҹра Һакимијјәтинин башчысы Рафил Һүсејнов Шејх Сәрдардан руһани фәалијјәтинә, хүсуси илә јүзләрлә инсанын өнүндә ҹүмә намазы гылдығына ҝөрә полисә шикајәт едиб.
Диггәт: Хәбәрдән истифадә етдикдә мәнбәјә истинад лазымдыр
