Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстин торпагларыны ишғал етмиш јәһуди ҹинајәткарларынын ганунсуз тәсис етдикләри Исраил адлы режимин мүдафиә назири Авигдор Либерманын Мүнхен Тәһлүкәсизлик Конфрансында етдији чыхышдан сонра Түркијәнин ХИН башчысы Мөвлуд Чавушоғлу анти-Ислам чыхыш едиб.
Милјонларла әһли Сүннәни гәтлиам едән ганунсуз Исраил режимин сабиг хариҹи ишләр назири вә Сионист Бирлик Партијасынын сәдри Тсипи Ливни илә селфие чәкдирән Мөвлуд Чавушоғлу Јахын Шәргдә Исраили дејил мәһз Иран Ислам Республикасынын сучлу олдуғуну иддиа едәрәк “һүҹума” кечиб.
Мөвлуд Чавушоғлу Мүнхендә она гәрәзли сүрәтдә үнванланан "Түркијә Сәудијјә вә Иранла јашанан мәзһәби гаршыдурмада һарада гәрар тутмушдур", суалына белә ҹаваб вериб: "Түркијә дини вә мәзһәби гаршыдурмалара гаршыдир. Президентимиз Ислам Бирлији Тәшкилатындакы чыхышы заманы "нә сүнни, нә шиәјәм, мүсәлманам" демишди. Түркијәнин тутуму беләдир. Иранын бөлҝәдәки мәзһәб сијасәтләри бир чох өлкәдә сабитлији балталајыр. Иран Ираг вә Суријајы шиә етмәк истәјир. Бу чох тәһлүкәли. Сабитлик үчүн Иранын бу сијасәтләринә сон вермәси үчүн тәшвиг етмәјимиз лазымдыр".
ИИР-ын Түркијәнин "Иран шиәлији јајыр" ачыгламасына сәрт реаксијасы
Иран Ислам Республикасынын Хариҹи Ишләр Назирлијинин мәтбуат катиби Бәһрам Гасыми Түркијә хариҹи ишләр назири Мөвлуд Чавушоғлунун Мүнһен Тәһлүкәсизлик Конфрансындакы иддиаларыны фајдасыз вә гејри-конструктив бәјанат олараг дәјәрләндириб.
Бәһрам Гасыми билдириб: "Империјаја ҝери гајытма кими хәјал архасынҹа олуб, мүдахиләчи вә ганунсуз фәалијјәт ҝөстәрән вә террорчу груплары дәстәкләмәк васитәсилә бөлҝәдә ган ахмасы, ҝәрҝинлик вә гејри-сабитлијин артмасына сәбәб оланлар башгаларыны ҝүнаһландырмагла, бу кими тәшәббүсләринин мәсулијјәтиндән гача билмәзләр".
ИИР Хариҹи Ишләр Назирлијинин Спикери ганунсуз исраил режими, Сәудијјә вә Түркијәнин Фәләстин, Сурија, Ираг вә Јәмәндә Мүсәлманлара гаршы дүзәлтдикләри батаглыгда өзләринин дүшдүјүнү вә бу проблемдән хилас олмаг үчүн чабаладыгҹа да батаглығын дәринликләринә чөкдүкләринә ишарә едәрәк сөзләрини белә давам етдириб: "Бу өлкәләрин реҝиондакы ҝүвәнсизлик вә гејри-сабитлијин шәхсән сәбәбкары олдугларынын фәргинә вармасы лазымдыр, буна ҝөрә башгаларыны ҝүнаһландырараг өз әлләри илә дүзәлтдикләри даландан хилас ола билмәјәҹәкләрини билмәлидирләр..."
Диггәт: Хәбәрдән истифадә етдикдә мәнбәјә истинад лазымдыр
