Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, февралын 2-си Бакы Ағыр Ҹинајәтләр Мәһкәмәсиндә Илһам Әлијев дөвләтинә “хәјанәт” етмәкдә тәгсирләндирилән Нардаран Ағсаггаллар Шурасынын сәдри Натиг Кәримов вә Азәрбајҹан Ислам Партијасынын сабиг сәдр мүавини Ингилаб Әһәдовун ҹинајәт иши үзрә мәһкәмәсинин нөвбәти иҹласы кечирилиб.
Мәлумата ҝөрә, әдаләтсиз һаким Әһмәд Гулијевин сәдрлији илә кечирилән гапалы просесдә мәһкәмә истинтагынын башландығы елан олуб. Даһа сонра әлијевләр режиминин иттиһамчысы ШӘРЛӘНМӘ актыны елан едиб.
Һәр ики шәхс елан олунмуш ШӘРЛӘНМӘ үзрә өзләрини тәгсирли билмәјибләр.
Әдаләтсиз мәһкәмә тәрәфидән просесин мартын 2-дә давам етдириләҹәји билдирилиб.
Хатырладаг ки, Н.Кәримов әлијевләр режиминин дөвләт тәһлүкәсизлији хидмәтинин истинтаг баш идарәси тәрәфиндән апарылан “ҹинајәт иши” үзрә “шүбһәли шәхс” гисминдә тутулараг 7 јанвар 2016-ҹы ил тарихдә Ҹинајәт Мәҹәлләсинин 274-ҹү (дөвләтә хәјанәт) маддәси илә ШӘРЛӘНИБ вә мәһкәмәнин гәрары илә барәсиндә һәбс гәтимкан тәдбири сечилиб. Сонрадан һәбс гәтимкан тәдбири ев дустаглығы илә әвәзләниб.
Ингилаб Әһәдов 26 јанвар 2016-ҹы ил тарихдә ганунсуз олараг һәбс едилиб вә 27 јанвар 2016-ҹы ил тарихдә әлијевләр режиминин дөвләт тәһлүкәсизлији хидмәтинин истинтаг баш идарәси тәрәфиндән апарылан ҹинајәт иши үзрә шүбһәли шәхс гисминдә тутулараг Азәрбајҹан Республикасы Ҹинајәт Мәҹәлләсинин 274-ҹү (дөвләтә хәјанәт) маддәси илә ШӘРЛӘНИБ.
Диггәт: Хәбәрдән истифадә етдикдә мәнбәјә истинад лазымдыр
