Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Јанварын 24-дә "Мәшһәд-2017 Ислам дүнјасынын мәдәни пајтахты" тәдбиринин Имам Рзанын (әлејһи сәлам) һәрәминдә ачылыш мәрасими кечирилиб.
Бу мүнасибәтлә Гүдс Рәзәви останынын рәһбәри Ајәтуллаһ Сејид Ибраһим Раисинин иштиракы илә Гүдс салонунда тәдбир кечимишдир.Мәрасимә бәзи өлкә рәсмиләри, мүсәлман өлкәләрин сәфирләри вә бејнәлхалг гонаглар да гатылмышдыр.
Мәрасимдән сонра Ајәтуллаһ Сејид Ибраһим Раисинин имамлығы илә мөһтәшәм вәһдәт намазы гылынмышдыр. Гонаглар даһа сонра Имам Рзанын (әлејһи сәлам) пак һәрәмини зијарәт етмишдиләр.
"Мәшһәд-2017 Ислам дүнјасынын мәдәни пајтахты" тәдбиринә ҝәлән хүсуси гонаглар, һәмчинин Гүдс Рәзәви останынын мүгәддәс мәканлары, Гурани-Кәрим мүзеји вә китабханасында олмушдулар.
Гејд едәк ки, Мәшһәд шәһәринин 2017-ҹи илдә Ислам дүнјасынын мәдәни пајтахты сечилмәси 2010-ҹу илдә Бакыда Ислам Тәһсил, Елм вә Мәдәнијјәт Тәшкилатынын (ИСЕСКО) гәрары илә гәбул олунмушдур.
Диггәт: Хәбәрдән истифадә етдикдә мәнбәјә истинад лазымдыр
