Әһлибејт (ә) Хәбәр Аҝентлијинин вердији мәлумата ҝөрә-Бејнәлхалг Мәтбуат Мәркәзиндә “20 Јанвар шәһидләри - Дүнән, бу ҝүн вә сабаһ” мөвзусунда дәјирми маса кечирилиб. Конфрансда өлкәнин руһани алимләри, зијалылары, тәшкилат рәһбәрләри вә иҹтимаијјәт нүмајәндәләри иштирак едибләр. Тәдбир Азәрбајҹан Республикасынын дөвләт һимнинин сәсләндирилмәси вә фаҹиә гурбанларынын руһларына дуа охунмагла ачыг елан олунуб. Тәдбирдә Азәрбајҹан Ислам Партијасынын сәдр әвәзи, илаһијјатчы алим Һаҹы Илһам Әлијев, ГАТ сәдри Акиф Нағы, илаһијјатчы алим Һаҹы Әфган Мурадов, политолог Зәрдүшт Әлизадә вә диҝәрләри чыхыш едәрәк 20 јанвар фаҹиәсинин маһијјәтиндән, бу һадисәнин халгымыза бәхш етдији немәтләрдән сөз ачыблар. Әлијалын халгын ән ҝүҹлү силаһларла тәҹһиз олунан Совет гошунларынын гаршысына чыхараг мүстәгиллик, азадлыг уғрунда мүбаризә апармаларыны Азәрбајҹанын гәһрәманлыг салнамәси кими характеризә едибләр. Тәдбирдән һазыланан ҝениш видеорепортажи охуҹуларымыза тәгдим едәҹәјик.
Диггәт! Хәбәрдән истифадә етдикдә мәнбәјә истинад лазымдыр!
