Әһлибејт (ә) Хәбәр Аҝентлијинин вердији мәлумата ҝөрә-Бакынын Нардаран гәсәбәсиндә баш верән һадисәләрилә әлагәдар һәбс олунан илаһијјатчы, Гуран елмләри үзрә мүтәхәссис Зүлфүгар Микајыловун мәһкәмә иҹласы кечириләҹәк. З.Микајыловун вәкили Рүстәм Зүлфүгаров мәлумат вериб. Мәһкәмә просеси јанварын 19-да һаким Зејнал Ағајевин сәдрлији илә баш тутаҹаг. Илаһијјатчынын сәһһәтиндә һеч бир проблемин олмадығыны дејән вәкил,онун һансы маддәләрлә иттиһам олундуғуну ачыглајыб. Зүлфүгар Микајылов Ҹинајәт Мәҹәлләсинин ашағыдакы маддәләри илә иттиһам олунур:
214.2.1 - Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән төрәдилдикдә;
214.2.3 - Одлу силаһдан вә силаһ гисминдә истифадә олунан предметләрдән истифадә етмәклә төрәдилдикдә әмлакы мүсадирә олунмагла - он илдән он беш иләдәк мүддәтә азадлыгдан мәһрум етмә вә ја өмүрлүк азадлыгдан мәһрум етмә илә ҹәзаландырылыр.
214-2. - Террорчулуға ачыг чағырышлар - беш иләдәк мүддәтә азадлыгдан мәһрум етмә илә ҹәзаландырылыр.
220.2 - Һакимијјәт нүмајәндәсинин гануни тәләбләринә фәал шәкилдә табе олмамаға вә күтләви иғтишашлара, һабелә вәтәндашлара гаршы зоракылыг етмәјә чағырышлар етмә - үч иләдәк мүддәтә азадлығын мәһдудлашдырылмасы вә ја ејни мүддәтә азадлыгдан мәһрум етмә илә ҹәзаландырылыр.
228.3 - Бу Мәҹәлләнин 228.1 вә ја 228.2-ҹи маддәләриндә нәзәрдә тутулмуш әмәлләр мүтәшәккил дәстә тәрәфиндән төрәдилдикдә - беш илдән сәккиз иләдәк мүддәтә азадлыгдан мәһрум етмә илә ҹәзаландырылыр.
228.4 - Ганунсуз олараг газ силаһыны, сојуг силаһы, о ҹүмләдән туллајыҹы силаһы әлдә етмә, сатма вә ја ҝәздирмә, милли ҝејим ләвазиматы һесаб олунан әразиләрдә вә ја овчулуг пешәси илә бағлы олараг сојуг силаһы ҝәздирмә һаллары истисна олмагла - јүз алтмыш саатдан ики јүз саатадәк иҹтимаи ишләр вә ја ики иләдәк мүддәтә ислаһ ишләри вә ја бир иләдәк мүддәтә азадлыгдан мәһрум етмә илә ҹәзаландырылыр.
278 - Азәрбајҹан Республикасынын Конститусијасына зидд олараг һакимијјәтин зорла әлә кечирилмәсинә, јахуд һакимијјәтин зорла сахланылмасына, һабелә дөвләтин конститусија гурулушунун зорла дәјишдирилмәсинә јөнәлән һәрәкәтләр - он илдән он беш иләдәк мүддәтә азадлыгдан мәһрум етмә вә ја өмүрлүк азадлыгдан мәһрум етмә илә ҹәзаландырылыр.
279.1. Азәрбајҹан Республикасынын ганунвериҹилији илә нәзәрдә тутулмајан силаһлы бирләшмәләр вә ја груплар јаратма, еләҹә дә онларын јарадылмасында вә фәалијјәтиндә иштирак етмә, онлары силаһла, дөјүш сурсаты илә, партлајыҹы маддәләрлә, һәрби техника илә, јахуд әсҝәри ләвазиматла тәҹһиз етмә - үч илдән сәккиз иләдәк мүддәтә азадлыгдан мәһрум етмә илә ҹәзаландырылыр.
281.2. Ејни әмәлләр тәкрар вә ја бир груп шәхс тәрәфиндән төрәдилдикдә - беш илдән сәккиз иләдәк мүддәтә азадлыгдан мәһрум етмә илә ҹәзаландырылыр.
283.2.3. - Мүтәшәккил дәстә тәрәфиндән төрәдилдикдә - үч илдән беш иләдәк мүддәтә азадлыгдан мәһрум етмә илә ҹәзаландырылыр. Гејд едәк ки, илаһијјатчылар Зүлфүгар Микајылов, Елман Ағајевин вә диҝәр 10 нәфәрин мәһкәмә иҹласы бирҝә кечириләҹәк.
Диггәт! Хәбәрдән истифадә етдикдә мәнбәјә истинад лазымдыр!
