Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Милади тарихи илә 09. 01. 2017-ҹи илә тәсадүф едән Һиҹри Гәмәри тарихинин Рәбиу-Сани ајынын 10-у Әһли Бејтин (әлејһимус-сәлам) Кәримәси (кәрамәтли гадыны), Имам Муса ибн Казымын (әлејһи сәлам) гызы вә Имам Рзанын (әлејһи сәлам) дөғма баҹысы һәзрәт Фатимеји Мәсумә (сәламуллаһи әлејһа) ханымын шәһадәт ҝүнүдүр. Һәзрәт Фатимәи Мәсумә (сәламуллаһи әлејһа) Һиҹри Гәмәри тарихи илә 201-ҹи илдә Шәһадәтә јетиб. Ејни заманда гејд етмәлијик ки, бу ҝүн һәм дә, бәзи тарихчиләрин нәзәринә ҝөрә, Һиҹри Гәмәри тарихи илә, 232-ҹи илдә Аллаһ Тәаланын јер үзәриндә гәрар вердији 11-ҹи Ҹанишин вә Хәлифәси һәзрәт Имам Һәсән Әскәринин доғум ҝүнүдүр.
Имам Рзанын Гум шәһәриндә дәфн едилмиш баҹысы һәзрәт Фатимеји Мәсумә ханымын һиҹри-гәмәри тарихи илә Зил-Гәдә ајынын 1-дә доғулуб. Һәзрәт Мәсумә 28 ил өмүр сүрүб.
Һәзрәт Фатимәи Мәсумә ханым һиҹрәтин 201-ҹи илиндә гәсибкар Аббасиләр хәлифәси олан Мәмун Аббаси тәрәфиндән Мәрв шәһәринә сүрҝүн едилмиш гардашы Имам Рзанын (әлејһи сәлам) ҝөрүшүнә вә ејни заманда инсанлардан ҝизли сахладылмыш һәгигәтләри халга чатдырмагдан өтрү Мәрвә јола дүшүр. Лакин Иранда Гум мәнтәгәси јахынлығында јерләшән Савә адланан бөлҝәдә гәсбкар Аббасиләр хәлифәси олан Мәмунун ҝөндәрдији гулдур дәстәси О, Ханымы мүшајиәт едән карванын јолуну кәсир вә 400 нәфәрлик карвана һүҹум едәрәк карвандакы бүтүн әлисилаһлы кишиләри гәтлә јетирирләр вә һәзрәт Мәсумәни дә (сәламуллаһи әлејһа) зәһәрләрмәји баҹарырлар. Һадисәдән сонра Ханым Фатимәи Мәсумә (сәламуллаһи әлејһа) Гума ҝетмәјә мәҹбур галыр. Һәзрәт Мәсума Гума ҝәлдикдән ҹәми 17 ҝүн сонра Шәһадәтә јетир.
Һәзрәт Фатимәи Мәсумә ханымын (сәламуллаһи әлејһа) кичик бир кәнд олан Гумда дәфн едилмәсиндән сонра Әһли-Бејт (әлејһимус сәлам) ашигләринин зијарәт үчүн бу бөлҝәјә ахышмасы даһа сонра Гумун ҝенишләнәрәк шәһәр симасына кечиб, нәһәнҝ бир дини-елми мәркәзә чевирилмәсинә сәбәб олду.
Әлламә Мәҹлиси Биһарул-Әһвар әсәринин 102-ҹи ҹилдиндә Мәсумә ханымын мәгбәрәсини зијарәт етмәк һагда белә бир һәдиси нәгл едир:
“Имам Рза Сәд ибни Сәд әл-Әшәријә белә деди: Еј Сәд! Биздән бир нәфәрин мәзары сизин јаныныздадыр билирсән!? Сәд дејир: Әрз етдим ки еј Имам бәли билирәм, сиз Фатимә бинти Муса ибни Ҹәфәрин гәбрини дејирсинизми?. Имам бујурду: Бәли, Еј Сәд онун мәгамыны таныја билән бир шәхс ону зијарәт едәрсә, ҹәннәтлик олар. Онун гәбринә јахынлашанда башынын үстүндә дур вә 34 дәфә “Аллаһу-Әкбәр”, 33 дәфә “Субһанәллаһ” вә 33 дәфә “ әл-Һәмду лиллаһ” де! Ондан сонра исә буну де: Әссәламу әла Адәм сифвәтиллаһ...”
Диггәт: Хәбәрдән истифадә етдикдә мәнбәјә истинад лазымдыр
