Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, мәлум 26 Ганлы Нојабр Нардаран Фаҹиәсинин давамы олараг Бакы режиминин Шиәләрә гаршы апардығы агрессив сијасәтләр сәнҝимир.
Мәлумата ҝөрә, Нардаран Ағсаггаллар Шурасынын сәдри Натиг Кәримов вә Азәрбајҹан Ислам Партијасынын сабиг сәдр мүавини Ингилаб Әһәдовун гондарма ҹинајәт иши ејни иҹраата верилиб.
Гурама мәһкәмә просеси Бакы Ағыр Ҹинајәтләр Мәһкәмәсиндә 2017, јанвар ајынын 10-на тәјин едилиб.
Сифаришли мәһкәмә ишинә исә әдаләтдән узаг дүшмүш һаким Елдар Исмајылов сәдрлији илә бахылаҹаг.
Хатырладаг ки, Н. Кәримов 2015, декабр ајынын 9-да Ганлы Нардаран Олајлары әрәфәсиндә Дөвләт Тәһлүкәсизлији Хидмәти (ДТХ) тәрәфиндән сахланылмы вә ДТХ-нин Истинтаг Баш Идарәси тәрәфиндән апарылан ҹинајәт иши үзрә Ҹинајәт Мәҹәлләсинин 274-ҹү (дөвләтә хәјанәт) маддәсилә ШӘРЛӘНДИРИЛМИШДИР. 2016, јанвар ајынын 19-да исә, Натиг Кәримов ев дустаглығына бурахылмышдыр.
Азәрбајҹан Ислам Партијасынын сабиг сәдр мүавини Ингилаб Әһәдов исә, Дөвләт Тәһлүкәсизлији Хидмәтинин Истинтаг Баш Идарәси тәрәфиндән шүбһәли шәхс гисминдә тутулараг 2016, јанвар ајынын 27-дә Ҹинајәт Мәҹәлләсинин 274-ҹү (дөвләтә хәјанәт) маддәси илә ШӘРЛӘНДИРИЛИБ.
Диггәт: Хәбәрдән истифадә етдикдә мәнбәјә истинад лазымдыр
