Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасы бунунла бағлы Талеһ Бағыровла бағлы бәјанат јајыб.
Гурумун Мәтбуат Хидмәтиндән дахил олан бәјанатда дејилир:
26 нојабр 2015 ҹи ил тарихиндә Бакынын Нардаран гәсәбәсиндә баш верән фаҹиәли һадисә бизим вә бүтүн Азәрбајҹан халгынын кәдәринә сәбәб олду. 6 нәфәрин өлүмү вә 4 нәфәрин јараланмасы илә нәтиҹәләнән һадисә јалныз халгымызын дүшмәнләрини севиндирә биләрди. Бу ҝүн торпагларымызын 20 фаизинин ермәни гәсбкарларынын ишғалы алтында олдуғу бир заманда халгымызын даһа чох бирлијә, вәһдәтә, гаршылыглы етимад вә анлашмаја еһтијаҹы вардыр. Тәәссүфләр олсун ки, белә бир дөнәмдә өлкәдә баш верән негатив һаллара етиразыны билдирән дини ҹамеәнин үзвләри нәинки басгылара мәруз галды, һәтта силаһа әл атылараг фаҹиә илә нәтиҹәләнән һадисәләр төрәдилди. Һагсыз олараг чохсајлы инсанлар һәбс олунду вә һазырда мәһбәс һәјаты јашајыр.
Азәрбајҹан Ислам Партијасы Бакы Ағыр Ҹинајәтләр Мәһкәмәсиндә дөвләт иттиһамчысынын мәһкәмәдән һадисәдә тәгсирләндирилән шәхсләрә Һаҹы Талеһ Бағырзадә олмагла ағыр вә ән ағыр ҹәза тәләбини әдаләтсиз вә гәрәзли һесаб едир. Биз мәһкәмәдән вәтәндашлара гаршы даһа һуманист, гануни мөвге тутаҹағыны ҝөзләјир вә тәләб едирик.
Һазыркы дөврдә өлкәмизи террорла һәдәләјән вә мүхтәлиф гүтбләрин аләтинә чеврилмиш, өзләрини исламчы кими гәләмә верән, әслиндә Исламын дүшмәни олан тәкфирчиләрин гаршысында һәгиги исламчыларын дајанмасыны ваҹиб билиб вәтәнпәрвәр, динини севән инсанлара һуманист мүнасибәт бәсләнмәсини зәрури вә ваҹиб һесаб едирик. Дүшмәнләримизә башга јолла галиб ҝәлмәк чәтиндир.
Диггәт: Хәбәрдән истифадә етдикдә мәнбәјә истинад лазымдыр
