Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бу ҝүнләр Ислам дүнјасынын тарихиндә Иса Пејғәмбәрин (ә) мөвлуд ҝүнләри кими гејд едилир.
Гәрб тарихчиләри вә шәргшүнаслар һәмишә Иса Пејғәмбәри (ә) сырф ирфани бир шәхс кими танытдырмаға ҹан атыб. Христиан мәнбәләри онун јалныз мәһәббәтлә инсанлары хилас етмәк үчүн езам едилдијини дејирләр. Беләҹә Гәрб дүнјасында үзләтә чәкилән, иҹтимаијјәтин талејјүклү мәсәләләри һагда рәј верә билмәјән вә аддым ата билмәјән бир дин јараныбдыр.
Амма Ислам дини там әксинә әдаләтли иҹтимаијјәтин гурулмасы үчүн ҝәлдијини дејир:
“Биз елчиләримизи ајдын дәлилләрлә ҝөндәрдик вә онларла бирликдә Китаб вә тәрәзи назил етдик ки, инсанлар әдаләтли олсунлар. Биз өзүндә чох бөјүк гүввә вә инсанлар үчүн мәнфәәтләр олан дәмири дә ендирдик ки, Аллаһ, (Ону) ҝөрмәдән Она вә елчиләринә көмәк ҝөстәрәнләри үзә чыхартсын. Һәгигәтән, Аллаһ Гүввәтлидир, Гүдрәтлидир.”
Үмүмдүнја Мүсәлманларынын Али Лидери, Ислам Ингилабынын Рәһбәри һәзрәт Ајәтуллаһ Сејјид Әли Һүсејни Хаменеи дүнја христианларына мүраҹиәтиндә бујурублар:
“Әҝәр Иса Пејғәмбәр(ә) бизим арамызда олсајды, бир ан олсун белә залымларла, дүнја һеҝемонлары илә мүбаризә апармагдан әл чәкмәзди. О, бөјүк гүдрәтләрин сијасәти нәтиҹәсиндә милјардларла инсанын аҹлыг вә сәфаләт чәкмәси мүһарибәләрә вә фәсада дүчар олдугларына ҝөрә ајаға галхарды.”
Диггәт: Хәбәрдән истифадә етдикдә мәнбәјә истинад лазымдыр
