Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АХҸП Али Мәҹлисинин үзвү, Сабирабад рајону, Түркәнди кәнд орта мәктәбинин физика мүәллими Саһиб Рүстәмли 40 илә јахындыр чалышдығы мәктәбдән узаглашдырылыб. Бухәбәрионадекабрын 27-дәмәктәбдиректоруЕјвазАббасовчатдырыб. Саһиб Рүстәмлинин демәсинә ҝөрә, ону сијаси бахышларына ҝөрә ишсиз гојублар:
"ДИРЕКТОРА ТӨВСИЈӘ ОЛУНУБ"
«Әслиндә, мәни чохдан ишдән чыхармаг истәјирдиләр. Садәҹә, буну неҹә едәҹәкләрини билмирдиләр. Бу ил октјабрын 3-дә Кәрбәла сәфәринә чыхмалы идим. Лакин сентјабрын 15-дә Сабирабад полиси тәрәфиндән шәрләнәрәк 15 ҝүнлүк һәбсдә сахланылдым. Онда мәнә полисә мүгавимәт вә иҹтимаи асајиши позма маддәси илә иттиһам ирәли сүрүлмүшдү. Сәфәрә чыхаҹағым тарихи 3 ҝүн ҝери чәксәм дә, бу, бәзи ишләрә јетмәди. О ҹүмләдән иҹазә мәсәләси варды... Јәни мән иҹазә илә бағлы јазылы әризәни шәхсән директор Ејваз Аббасова вердим. Амма әризәјә ҹавабы ҝөзләјә билмәдим.
Анҹаг директора әризә јазмаздан әввәл Сабирабад Тәһсил Шөбәсинин мүдири Пәһләван Гарајевин јанында олуб она сәфәрә ҝедәҹәјими демишдим. Одадиректорунадынаәризәјазмағытапшырмышды. Беләдәетдим. Сәфәрдә оланда исә ешитдим ки, октјабрын 14-дә мәни ишдән чыхарыблар. Гајыданда билдим ки, ҝуја мәктәб һәмкарлар тәшкилаты јығышыб мәним әмәк мүгавиләмә хитам вериб вә узун мүддәт иҹазәсиз ишдән галдығым үчүн ишдән азад едилмәјим директора төвсијә олунуб».
Саһиб Рүстәмли дејир ки, бундан сонра о, мәсәләјә өзүнүн иштиракы илә бахылмасыны тәләб едиб. Нөвбәти јығынҹагда 32 үзвдән 28-и иштирак едиб вә һәр бири директорун адына ајрыҹа әризә јазараг мүәллимин ишә бәрпасыны хаһиш едиб.
С.Рүстәмли мәсәлә илә бағлы рајон тәһсил шөбәсинин мүдири илә бирликдә рајон иҹра һакимијјәти башчысынын гәбулунда да олуб. Дејир, башчы да Пәһләван Гарајевә мәсәләни мүсбәт һәлл етмәләрини тапшырыб. Мүәллим мүсбәт гәрар ҝөзләдији һалда, декабрын 27-дә ишдән чыхарылмасы хәбәрини ешидиб вә мәјус олуб.
Саһиб Рүстәмли ишдән чыхарылмасыны сијаси фәалијјәти, АХҸП үзвү олмасы вә сосиал шәбәкәләрдә фәаллығы илә бағлајыр: «Мәнә дәфәләрлә хәбәрдарлыг едилмишди. Бу илин әввәли бир нечә дәфә полисә чағрылмышам вә мәндән тәләб едибләр ки, сијаси вә Фаҹебоок фәалијјәтимә сон гојум. Мән хәбәрдарлыглары гәти шәкилдә рәдд едәндән сонра оғлуму автохулиганлыгла шәрләјәрәк 20 сутка һәбсдә сахлајыблар. Бу дәфә зијарәтә јолланмағымдан истифадә едиб мәни ишдән чыхармалары исә мәнәви пис тәсир етди».
Диггәт: Хәбәрдән истифадә етдикдә мәнбәјә истинад лазымдыр
